For Quick Alerts
    ALLOW NOTIFICATIONS  
    For Daily Alerts

    റോഷന്‍ ചിത്രത്തില്‍ മോഹന്‍ലാല്‍ വീണ്ടും

    By Staff
    |

    റോഷന്‍ ചിത്രത്തില്‍ മോഹന്‍ലാല്‍ വീണ്ടും

    മാര്‍ച്ച് 24, 2005

    ഉദയനാണ് താരം മോഹന്‍ലാലിന് നേടിക്കൊടുത്തത് നീണ്ട ഇടവേളക്കു ശേഷം ഒരു സൂപ്പര്‍ഹിറ്റാണ്. ഒപ്പം ശൈലീകരിക്കപ്പെട്ട വേഷങ്ങളില്‍ നിന്ന് മാറി ജനങ്ങള്‍ മനസിലേറ്റുന്ന മോഹന്‍ലാല്‍ കഥാപാത്രത്തിലേക്കുള്ള തിരിച്ചുപോക്കും.

    ലാലിന്റെ ഈ തിരിച്ചുവരവ് പ്രേക്ഷകര്‍ ഒട്ടൊന്നുമല്ല ആഘോഷിച്ചത്. കളക്ഷന്‍ റിക്കോഡ് തന്നെ സമ്മാനിച്ചുകൊണ്ട് മലയാളത്തിലെ എക്കാലത്തെയും വലിയ മഹാവിജയങ്ങളിലൊന്നായി തീര്‍ത്തിരിക്കുകയാണ് പ്രേക്ഷകര്‍ ഉദയനെ.

    ഉദയനാണ് താരത്തിലൂടെ റോഷന്‍ ആന്‍ഡ്രൂസ് മോഹന്‍ലാലിന് നല്‍കിയത് വലിയൊരു ബ്രേക്കാണ്. ശ്രീനിവാസന്റെ തിരക്കഥയില്‍ മോഹന്‍ലാല്‍ വീണ്ടും അഭിനയിച്ചപ്പോള്‍ പഴയ ലാല്‍-ശ്രീനി കൂട്ടുകെട്ടിന്റെ സുവര്‍ണകാലത്തെ അത് ഓര്‍മിപ്പിക്കുകയും ചെയ്തു. മഹാവിജയം ഒരുക്കിയ റോഷന്‍ ആന്‍ഡ്രൂസ്-ശ്രീനിവാസന്‍-മോഹന്‍ലാല്‍ ടീം ഒരിക്കല്‍ കൂടി ഒന്നിക്കുന്നു.

    കാള്‍ട്ടണ്‍ ഫിലിംസിന്റെ ബാനറില്‍ ഉദയനാണ് താരം നിര്‍മിച്ച കരുണാകരന്‍ തന്നെയായിരിക്കും ഈ ചിത്രവും നിര്‍മിക്കുന്നത്. കഥയെ കുറിച്ച് ഏകദേശ ധാരണയായിട്ടുണ്ട്.

    കുട്ടികളെ കേന്ദ്രകഥാപാത്രങ്ങളാക്കി ഒരു സിനിമ ഒരുക്കാനും റോഷന്‍ ആന്‍ഡ്രൂസിന് പദ്ധതിയുണ്ട്. പുതുമുഖങ്ങളെ അണിനിരത്തി ഒരുക്കുന്ന ഈ ചിത്രം രസകരമായ ഒരു ഫാന്റസിയായിരിക്കുമെന്ന് റോഷന്‍ പറയുന്നു. ഈ ചിത്രത്തിന്റെ രചന സംവിധായകന്റേതു തന്നെയായിരിക്കും. ചിത്രം നിര്‍മിക്കുന്നത് കാള്‍ട്ടണ്‍ കരുണാകരന്‍ തന്നെ.

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X