Click it and Unblock the Notifications
ശ്രീനിവാസന് തവള പിടിക്കുന്നു
ശ്രീനിവാസന് തവള പിടിക്കുന്നു
ഏപ്രില് 28, 2004
ട്യൂട്ടോറിയല് കോളജില് അധ്യാപകന് എന്നതാണ് പൊതുവെ അറിയപ്പെടുന്ന ജോലി. എന്നാല് രാത്രിയായാല് മറ്റൊരു ജോലി കൂടിയുണ്ട്- തവളപിടുത്തം. ട്യൂട്ടോറിയല് കോളജ് അധ്യാപനവും തവളപിടുത്തവും ഒന്നിച്ചുകൊണ്ടുപോവുന്ന സവിശേഷ കഥാപാത്രം.
ശ്രീനിവാസനാണ് ഈ കഥാപാത്രത്തെ അവതരിപ്പിക്കുന്നത്. ടെലിവിഷന് രംഗത്തു നിന്ന് സിനിമാരംഗത്തെത്തുന്ന കഥാകൃത്ത് കൂടിയായ ലാല്ജി ജോര്ജിന്റെ പ്രഥമചിത്രത്തിലാണ് ശ്രീനിവാസന്റെ ഈ വ്യത്യസ്ത കഥാപാത്രം.
ചിതറിയവര് എന്ന് പേരിട്ടിരിക്കുന്ന ചിത്രം ദളിതരുടെ കഥയാണ് പറയുന്നത്. ശ്രീനിവാസന് ഒരു ദളിതനായാണ് ഈ ചിത്രത്തില് അഭിനയിക്കുന്നത്.
എം. കെ. ഹരികുമാറിന്റേതാണ് കഥ. തിരക്കഥയും സംഭാഷണവും ജി. ആര്. ഇന്ദുഗോപന് രചിച്ചിരിക്കുന്നു. ഗ്ലോബല് ക്രിയേഷന്സിന്റെ ബാനറില് പി. കെ. എസ്. ദേവന്, കെ. ജലാല് എന്നിവര് ചേര്ന്നാണ് ചിത്രം നിര്മിക്കുന്നത്.
Continue with Google