Don't Miss!
- Lifestyle നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം
- Automobiles ബേസ് മോഡലിന് വരെ ഗംഭീര മൈലേജും ഉഗ്രൻ സേഫ്റ്റിയും; 9 പേർക്ക് അടിച്ച്പൊളിച്ച് പോവാൻ ബൊലേറോ നിയോ പ്ലസ്
- Finance റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം
- News ട്രെന്ഡ് മാറി സ്വര്ണ വിപണി; സ്വര്ണ വില താഴുന്നു; അല്പ്പം കാത്തിരിക്കാം... ഇന്ന് നേരിയ കുറവ് മാത്രം
- Sports IPL 2024: 3 വിക്കറ്റിനു ഒരു വിലയുമില്ലേ? അവാര്ഡ് അര്ഹിച്ചത് മുകേഷ്! റിഷഭിന് എന്തിന് കൊടുത്തു
- Travel മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
- Technology തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്!
ജന്മത്തില് അഭിനയിക്കാനില്ലെന്ന് നയന്
ജന്മത്തില് അഭിനയിക്കാനില്ലെന്ന് നയന്
ജൂലൈ 2, 2006
സുരേഷ് ഗോപി ചിത്രമായ ജന്മത്തില് നിന്ന് നയന്താര പിന്മാറി. ഇതിന്റെ പേരില് ചലച്ചിത്ര പ്രവര്ത്തകരുടെ സംഘടനയായ മാക്ട നയനെതിരെ നടപടിയെടുക്കാനുള്ള നീക്കത്തിലാണെന്ന് അറിയുന്നു.
ജന്മത്തില് ഒരു ഗാനരംഗത്തില് നയന്താര അഭിനയിക്കാമെന്നേറ്റിരുന്നതാണ്. നയന്താര നടിയായി തന്നെ പ്രത്യക്ഷപ്പെടുന്ന ഈ രംഗം മാത്രമാണ് അവര്ക്ക് ഈ ചിത്രത്തിലുള്ളതെന്നായിരുന്നു റിപ്പോര്ട്ട്. എന്നാല് ഗാനരംഗത്തിന്റെ ഷൂട്ടിംഗിനായി പൊള്ളാച്ചിയിലെത്തിയപ്പോഴാണ് കഥയില് ചില മാറ്റങ്ങളുണ്ടെന്ന് നയന് അറിയുന്നത്. ഗാനരംഗത്തിനു പുറമെ ചെറുതെങ്കിലും പ്രധാനമായൊരു കഥാപാത്രത്തെ നയന് അവതരിപ്പിക്കേണ്ടതുണ്ടെന്ന് ചിത്രത്തിന്റെ അണിയറ പ്രവര്ത്തകര് നടിയോട് പറഞ്ഞു.
നേരത്തെ പല തവണ ക്ഷണിച്ചതിനു ശേഷമാണ് ജന്മത്തില് അതിഥി വേഷം അവതരിപ്പിക്കാന് നയന് തയ്യാറായത്. എന്നാല് തന്നോട് പറഞ്ഞതില് നിന്ന് വിരുദ്ധമായി ഒരു ചെറിയ വേഷം ചെയ്യാനുണ്ടെന്ന് അറിഞ്ഞതോടെ നയന് രോഷാകുലയായി. താനീ ചിത്രത്തില് അഭിനയിക്കാനില്ലെന്ന് നയന് പറഞ്ഞതോടെ ചിത്രത്തില് അഭിനയിച്ചില്ലെങ്കില് നയനെ മലയാള സിനിമയില് നിന്ന് ബഹിഷ്കരിക്കുമെന്നായി അണിയറ പ്രവര്ത്തകര്. എന്നാല് തമിഴിലെയും തെലുങ്കിലെയും തിരക്കു കാരണം മലയാളത്തില് നിന്ന് വിട്ടുനില്ക്കുന്ന നയന് ആ ഭീഷണിയിലൊന്നും കുലുങ്ങിയില്ല. സിനിമ ഉപേക്ഷിച്ച് അവര് മടങ്ങുകയും ചെയ്തു.
താന് മടങ്ങിപ്പോവുകയാണൈന്ന് മനസിലാക്കിയതോടെ ഗാനരംഗത്തില് മാത്രമായി അഭിനയിച്ചാല് മതിയെന്ന് പറഞ്ഞ് ജന്മത്തിന്റെ അണിയറ പ്രവര്ത്തകര് തന്നെ അനുനയിപ്പിക്കാന് ശ്രമിച്ചെങ്കിലും അപ്പോഴേക്കും ആ ചിത്രത്തിനായി വേഷമിടാന് തനിക്ക് താത്പര്യമില്ലാതായി കഴിഞ്ഞിരുന്നുവെന്ന് നയന് പറയുന്നു.
മാക്ടയുടെ നേതൃത്വത്തില് വളരെ സജീവമാണ് ജന്മത്തിന്റെ സംവിധായകനായ ജോഷി. ഇപ്പോള് മാക്ട നയനെതിരെ നടപടിയെടുക്കാന് ഒരുങ്ങുകയാണത്രെ. പക്ഷേ മലയാള സിനിമയില് അഭിനയിക്കാന് വലിയ താത്പര്യമൊന്നുമില്ലാത്ത തന്നെ അതിഥി വേഷത്തിനായി ക്ഷണിച്ചു വരുത്തിയതിനു ശേഷം ഗാനരംഗത്തിനു പുറമെ ചെറിയ വേഷം ചെയ്യണമെന്നും ഇല്ലെങ്കില് മലയാള സിനിമയില് നിന്ന് തന്നെ ബഹിഷ്കരിച്ചുകളയുമെന്നും ഭീഷണിപ്പെടുത്തുന്നതിന്റെ ന്യായമെന്താണെന്നാണ് നയന് ചോദിക്കുന്നത്.
-
'ആര് ജാസ്മിനും ഗബ്രിക്കും എതിരെ നിൽക്കുന്നുവോ അവരാണ് മികച്ച മത്സരാർത്ഥിയെന്നാണ് ഭൂരിപക്ഷം പറയുന്നത്'
-
എന്റെ നേര്ക്ക് വിരല് ചൂണ്ടി പല്ലിറുമ്മി; ആ സംവിധായകന് ആദ്യമായി ദേഷ്യപ്പെടുന്നത് കണ്ടു: ശ്രീദേവി
-
മലയാളത്തിലെ പ്രമുഖ നടനുമായുള്ള വിവാഹ വാര്ത്ത; എന്റെ വീട്ടുകാരേക്കാള് ഉത്കണ്ഠ വേറെ ചിലര്ക്ക്!