Click it and Unblock the Notifications
മലയാളം കണ്ട ക്രൗര്യമേറിയ വില്ലന്
മലയാളം കണ്ട ഏറ്റവു ക്രൗര്യമുള്ള വില്ലനായ ഇദ്ദേഹത്തോട് കിട പിടിക്കാന് ആ റേഞ്ചില് മറ്റൊരാളുമുണ്ടായിരുന്നില്ല.വില്ലന് വേഷങ്ങളില് മുദ്രയടിക്കപ്പെട്ടുപോയ നായര്ക്ക് ഇടയ്ക്കിടെ വേറിട്ട വേഷങ്ങള് കിട്ടിയിരുന്നു.
എം.ടിയുടെ കടവ്, ഐ.വി ശശിയുടെ ആള്ക്കൂട്ടത്തില് തനിയെ, 1921, സത്യന് അന്തിക്കാടിന്റെ ടി.പി.ബാലഗോപാലന് എം.എ, വടക്കന് വീരഗാഥ യിലെ കണ്ണപ്പ ച്ചേകവര് ഇങ്ങനെ നാട്യകലയിലെ പാടവം തെളിയിച്ചുകൊണ്ട് അദ്ദേഹം മുന്നൂറിലധികം മലയാളസിനിമ യില് വേഷമിട്ടു.
അതിഥി എന്ന ചിത്രത്തിലൂടെ 1974 ലും ,തച്ചോളി അമ്പുവില് 1978 ലും രണ്ടാമത്തെ നല്ല നടനുള്ള പുരസ്കാരം. ജീവിതത്തില് വില്ലത്തരമില്ലാതിരുന്ന ഈ പാവം അനുഗ്രഹീത കലാകാരന്റെ അന്ത്യം വില്ലനായ് വന്ന അപൂര്വ്വ രോഗത്തിലൂടെയായിരുന്നു.
ദുര്ബലമായ ശരീരവുമായ് ഒരു പാട് കാലം രോഗത്തോട് മല്ലടിച്ച് 2000ല് അദ്ദേഹം വിട പറഞ്ഞു. സിനിമകളുടെ എണ്ണത്തിനൊത്ത നേട്ടമൊന്നും ജീവിതത്തില് അദ്ദേഹത്തിനു ലഭിച്ചിരുന്നില്ല. വിലപേശി പ്രതിഫലം വാങ്ങാനുള്ള വേലയും വശമുണ്ടായിരുന്നില്ല.
അവസാനകാലം ചികില്സാ ചെലവുകള്ക്കുപോലും അദ്ദേഹം വല്ലാതെ കഷ്ടപ്പെട്ടിരുന്നു. മകന് മേഘനാഥന് മലയാളസിനിമയില് ശ്രദ്ധേയമായ വേഷങ്ങള് ചെയ്യുന്നുണ്ട്. മലയാളി ഈ കലാകാരനെ അത്രവേഗം മറന്നുകൂടാ. അദ്ദേഹത്തിന്റെ പതിനൊന്നാം ചരമവാര്ഷികത്തിലും സ്മാരകങ്ങള് ശില്പങ്ങളായി പണിതുയര്ത്തിയിട്ടില്ലെങ്കിലും മലയാളം മരിക്കാത്തക്കാലം വരെ ഉള്ളില് ബാലന് കെ നായര് ഉണ്ടാവും.
ആദ്യപേജില്
ബാലന്കെ നായര് എന്ന അതുല്യ പ്രതിഭ
Continue with Google