Click it and Unblock the Notifications
രസികനില് ഗീതുവും കാവേരിയും
രസികനില് ഗീതുവും കാവേരിയും
ആഗസ്ത് 03, 2004
ലാല് ജോസ് സംവിധാനം ചെയ്യുന്ന രസികനില് ഗീതു മോഹന്ദാസും കാവേരിയും ദിലീപിന്റെ നായികമാരാവുന്നു. ഒരു തെരുവിന്റെ കഥ പറയുന്ന ചിത്രത്തില് ശിവന്കുട്ടി എന്ന കഥാപാത്രത്തെയാണ് ദിലീപ് അവതരിപ്പിക്കുന്നത്.
കാവേരി ഒരിടവേളക്ക് ശേഷം മലയാളത്തില് നായികയായി തിരിച്ചെത്തുകയാണ്. ഗീതു മോഹന്ദാസ് ദിലീപിന്റെ നായികയാവുന്നത് ആദ്യം. ദിലീപ് അവതരിപ്പിക്കുന്ന ശിവന്കുട്ടിയെ പ്രണയിക്കുന്ന തങ്കി, കരിഷ്മ എന്നീ പെണ്കുട്ടികളായാണ് ഗീതുവും കാവേരിയും വേഷമിടുന്നത്.
തെരുവില് ജീവിക്കുന്ന ശിവന്കുട്ടി ബ്ലാക്കില് സിനിമാടിക്കറ്റ് വിറ്റും സിനിമാപോസ്ററുകളൊട്ടിച്ചും ഫുട്പാത്തില് തുണിക്കച്ചവടം ചെയ്തുമാണ് ഉപജീവനമാര്ഗം കണ്ടെത്തുന്നത്. നഗരത്തിലെ തെരുവില് അമ്മയോടൊപ്പമാണ് ശിവന്കുട്ടി കഴിയുന്നത്.
ശിവന്കുട്ടിയുടെ മുറപ്പെണ്ണായ തങ്കിക്കും തെരുവിലെ മറ്റൊരു പെണ്കുട്ടിയായ കരിഷ്മക്കും ശിവന്കുട്ടിയോട് പ്രണയമാണ്. എഞ്ചിനീയറിംഗ് വിദ്യാര്ഥിനിയായ കരിഷ്മ അടിച്ചുപൊളിച്ചുനടക്കുന്ന പെണ്കുട്ടിയാണ്. രണ്ടു പേരെയും പിണക്കാതെ മുന്നോട്ടുപോവാന് ശിവന്കുട്ടി ശ്രമിച്ചു. അത് അയാള്ക്ക് തന്നെ പിന്നീട് വിനയായി.
ദിലീപ്, കാവേരി, ഗീതു മോഹന്ദാസ് എന്നിവരെ കൂടാതെ ജഗതി ശ്രീകുമാര്, മാള അരവിന്ദന്, കൊച്ചുപ്രേമന്, ഒടുവില് ഉണ്ണിക്കൃഷ്ണന്, അഗസ്റിന് തുടങ്ങിയ താരങ്ങളും ചിത്രത്തില് വേഷമിടുന്നു. ബിജു മേനോന് ചിത്രത്തില് അതിഥി താരമായി പ്രത്യക്ഷപ്പെടുന്നുണ്ട്.
ഹാസ്യത്തിന്റെ മേമ്പൊടിയോടെ ഒരു തെരുവിലെ മനുഷ്യരുടെ കഥ പറയുന്ന രസികന്റെ തിരക്കഥ വി. ജി. മുരളീകൃഷ്ണനാണ് രചിച്ചിരിക്കുന്നത്.
Continue with Google