Don't Miss!
- Technology 5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ
- Lifestyle നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ
- News 92 കാരി വോട്ട് ചെയ്യുന്നതിനിടെ ഇടപെട്ടു; സിപിഎം ബ്രാഞ്ച് സെക്രട്ടറിക്കെതിര കള്ളവോട്ട് പരാതി
- Finance 485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...?
- Automobiles ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
പൊന്നുവായി കാവ്യ
പൊന്നുവായി കാവ്യ
ആഗസ്ത് 21, 2004
കാവ്യാ മാധവന്റെ അഭിനയജീവിതത്തിലെ ഏറ്റവും ശക്തമായ കഥാപാത്രമായിരിക്കും അന്നൊരിടത്ത് എന്ന ചിത്രത്തിലെ പൊന്നു. ആദിവാസി പെണ്കുട്ടിയായ പൊന്നുവായി അഭിനയിക്കുന്ന കാവ്യ തനിക്കിതുവരെ കിട്ടിയിട്ടുള്ളതില് ഏറ്റവും കാമ്പുള്ള വേഷമായാണ് ഈ കഥാപാത്രത്തെ കാണുന്നത്.
പൊന്നു പോലെ തിളങ്ങുന്നതാണ് പൊന്നുവിന്റെ സ്വഭാവഗുണം. പേരിലെ സൗന്ദര്യം അവളുടെ മനസിലുണ്ട്. സ്നേഹിക്കാന് മാത്രമറിയാവുന്ന അവള് ആ ഗ്രാമത്തിലെ എല്ലാവരോടും അതീവസ്നേഹത്തോടെയാണ് പെരുമാറിയിരുന്നത്.
ജീവിതത്തിലെ തിക്താനുഭവങ്ങള് അവളെ ആര്ജവും കരുത്തുമുള്ള ഒരു പെണ്ണാക്കിത്തീര്ത്തു. പൊന്നുവിന് ചില സ്വപ്നങ്ങളുണ്ട്. ആ സ്വപ്നങ്ങള് സാക്ഷാത്കരിക്കാന് വേണ്ടിയാണ് അവള് ജീവിക്കുന്നതുതന്നെ.
അഛനുറങ്ങുന്ന ഭൂമി നഷ്ടപ്പെടാതെ സൂക്ഷിക്കുകയാണ് പൊന്നുവിന്റെ ലക്ഷ്യം. കടക്കാരുടെ ബാധ്യത എത്രയും പെട്ടെന്ന് തീര്ത്ത് അധ്വാനിച്ച് സ്വന്തമാക്കിയ ഭൂമി അന്യാധീനപ്പെടില്ലെന്ന് ഉറപ്പുവരുത്തുക. അതിന് വേണ്ടിയാണ് അവള് രാപകലന്തിയോളം വേല ചെയ്യുന്നത്. അതിന് വേണ്ടി അവള് എന്തു ജോലി വേണമെങ്കിലും ചെയ്യും. താനീ ചെയ്യുന്ന ജോലികള് കൊണ്ടൊന്നും കടം വീട്ടാനാവില്ലെന്ന ചിന്തയൊന്നും പൊന്നുവിനില്ല. തന്റെ ലക്ഷ്യം മാത്രമേ അവളുടെ മനസിലുള്ളൂ.
മണ്ണിന്റെ ഗന്ധമുള്ള കഥ പറയുന്ന അന്നൊരിടത്ത് എന്ന ചിത്രത്തില് കാവ്യ അവതരിപ്പിക്കുന്ന ഈ കഥാപാത്രം അവര് ഇതുവരെ അവതരിപ്പിച്ച വേഷങ്ങളില് നിന്നും തീര്ത്തും വ്യത്യസ്തമാണ്. കാവ്യക്ക് ഏറെ അഭിനയസാധ്യതയുള്ള മുഹൂര്ത്തങ്ങളാണ് ഈ ചിത്രത്തിലുള്ളത്.
ശരത്ചന്ദ്രന് വയനാട് സംവിധാനം ചെയ്യുന്ന ഈ ചിത്രത്തിന്റെ തിരക്കഥ രചിച്ചിരിക്കുന്നത് സംവിധായകന് തന്നെ. നേരത്തെ ഐ. വി. ശശിയാണ് ഈ ചിത്രം സംവിധാനം ചെയ്യാന് തീരുമാനിച്ചിരുന്നത്. എന്നാല് സിംഫണി എന്ന ചിത്രത്തിന്റെ പരാജയത്തോടെ ഐ. വി. ശശിയെ ഈ ചിത്രത്തിന്റെ സംവിധാനത്തില് നിന്നും നിര്മാതാക്കള് ഒഴിവാക്കുകയായിരുന്നു.
നായകനാവുന്നത് ഫോര് ദി പീപ്പിളിലെ പൊലീസ് വേഷത്തിലൂടെ ശ്രദ്ധേയനായ സുനിലാണ്. ഇന്നസെന്റ്, നെടുമുടി വേണു, വിജയരാഘവന്, സിദ്ദിക്ക്, കൊച്ചിന് ഹനീഫ, ക്യാപ്റ്റന് രാജു, ഇടവേള ബാബു, ഇന്ദ്രന്സ്, മച്ചാന് വര്ഗീസ്, മാള അരവിന്ദന്, മനോജ് ചിക്ലോട്, അമ്പിളിദേവി, പൂര്ണിമ, നിരോഷ, അംബിക, മങ്കാ മഹേഷ്, കോഴിക്കോട്, ശാരദ തുടങ്ങിയ ഒട്ടേറെ താരങ്ങള് ചിത്രത്തില് വേഷമിടുന്നു.
ഛായാഗ്രഹണം സഞ്ജീവ് ശങ്കര്. കൈതപ്രം ദാമോദരന് നമ്പൂതിരിയുടെ ഗാനങ്ങള്ക്ക് കൈതപ്രം വിശ്വനാഥാണ് സംഗീതം പകരുന്നത്. വയനാട്ടിലും ഗുണ്ടല്പേട്ടയിലും മൈസൂരിലുമായാണ് ചിത്രത്തിന്റെ ഷൂട്ടിംഗ്.
-
'ജാസ്മിൻ ബാത്ത്റൂമിൽ ചെരുപ്പിടാതെ പോകുന്നു... സോഫയിൽ കാലുവെച്ച് ഇരിക്കുന്നു, ടിഷ്യു പേപ്പറുകൾ വലിച്ചിടുന്നു'
-
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന്
-
'സാരമില്ലാ... ഒരു നല്ല കാര്യത്തിന് വേണ്ടിയാണല്ലോ'; മൂന്ന് വർഷങ്ങൾ കൊണ്ടെടുത്ത തീരുമാനത്തെ കുറിച്ച് മാളവിക!