»   » നയന്‍താര തമിഴിലേക്ക്

നയന്‍താര തമിഴിലേക്ക്

By Staff
Subscribe to Filmibeat Malayalam
For Quick Alerts
ALLOW NOTIFICATIONS
For Daily Alerts

    നയന്‍താര തമിഴിലേക്ക്
    ആഗസ്ത് 25, 2004

    മീര ജാസ്മിനും നവ്യാനായര്‍ക്കും പിന്നാലെ മറ്റൊരു മലയാളനായിക കൂടി തമിഴിലേക്ക്. മനസ്സിനക്കരെ എന്ന സത്യന്‍ അന്തിക്കാട് ചിത്രത്തിലൂടെ മലയാളികളുടെ മനം കവര്‍ന്ന നയന്‍താരയാണ് തമിഴില്‍ ഭാഗ്യം തേടുന്നത്.

    ഷീലയുടെ തിരിച്ചുവരവിന് കളമൊരുക്കിയ മനസ്സിനക്കരെയില്‍ നായികയായിരുന്നു 19കാരിയായ നയന്‍താര. ആദ്യചിത്രം തന്നെ ഹിറ്റായതോടെ നയന്‍താര മലയാളികളുടെ മനസ്സില്‍ ഇടംപിടിച്ചു. രണ്ടാമത്തെ ചിത്രത്തില്‍ മോഹന്‍ലാലിന്റെ നായികയായാണ് നയന്‍താര അഭിനയിച്ചത്. ഫാസിലിന്റെ വിസ്മയത്തുമ്പത്ത് എന്ന ഈ ചിത്രം പക്ഷെ പരാജയമായി. ഇത് നയന്‍താരയുടെ കരിയറിന് തിരിച്ചടിയായി.

    ഇപ്പോള്‍ ഷാജി കൈലാസ് സംവിധാനം ചെയ്ത ഓണച്ചിത്രമായ നാട്ടുരാജാവില്‍ നയന്‍താര ഒരു കഥാപാത്രത്തെ അവതരിപ്പിച്ചിരുന്നു. മോഹന്‍ലാലിന്റെ അനിയത്തിയായാണ് നയന്‍താര നാട്ടുരാജാവില്‍ വേഷമിട്ടത്. അടുത്ത ജയറാം ചിത്രത്തിലും നയന്‍താര നായികയാണ്.

    എന്തായാലും ഇപ്പോള്‍ തമിഴില്‍ ഒരു ഭാഗ്യപരീക്ഷണത്തിനൊരുങ്ങുകയാണ് നയന്‍താര. തമിഴിലെ പ്രമുഖ സംവിധായകനായ പി.ഹരി സംവിധാനം ചെയ്യുന്ന അയ്യ എന്ന ചിത്രത്തില്‍ നായികയായാണ് നയന്‍താരയുടെ തമിഴിലെ അരങ്ങേറ്റം. ഈ ചിത്രത്തില്‍ ശരത്കുമാറാണ് നായകന്‍.

    ഹരി സംവിധാനം ചെയ്ത സാമി എന്ന ചിത്രം തമിഴിലെ വന്‍ഹിറ്റായിരുന്നു. അതിന് ശേഷം ഹരിയുടെ കോവില്‍, അരുള്‍ എന്നീ ചിത്രങ്ങള്‍ പരാജയപ്പെട്ടു. ഹരിയും തന്റെ പുതിയ ചിത്രത്തിലൂടെ ഒരു തിരിച്ചുവരവിനൊരുങ്ങുകയാണ്.

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more