»   » മഞ്‌ജു വാര്യര്‍ മടങ്ങിയെത്തുന്നു

മഞ്‌ജു വാര്യര്‍ മടങ്ങിയെത്തുന്നു

Posted By:
Subscribe to Filmibeat Malayalam
Manju Variyar
ചുരുങ്ങിയ കാലം കൊണ്ട്‌ തന്നെ മലയാളിയുടെ മനം കവര്‍ന്ന മഞ്‌ജു വാര്യര്‍ മടങ്ങിയെത്തുന്നു. സിദ്ദിഖ്‌ സംവിധാനം ചെയ്യുന്ന 'ബോഡി ഗാര്‍ഡി'ലൂടെയാണ്‌ മഞ്‌ജു വീണ്ടും വെള്ളിത്തിരയില്‍ തിരിച്ചെത്തുന്നത്‌. ഡിസംബര്‍ 12ന്‌ ഷൂട്ടിംഗ്‌ ആരംഭിയ്‌ക്കുന്ന ബോഡിഗാര്‍ഡ്‌ ജോണി സാഗരികയാണ്‌ നിര്‍മ്മിയ്‌ക്കുന്നത്‌. ജീവിതത്തിലും മഞ്‌ജുവിന്റെ നായകനായ ദിലീപ്‌ തന്നെയാണ്‌ ബോഡിഗാര്‍ഡിലെ നായകന്‍.

എട്ട്‌ വര്‍ഷം മുമ്പ്‌ മലയാള സിനിമയില്‍ കത്തി നില്‌ക്കവെയാണ്‌ വെറുതെ ഒരു ഭാര്യയുടെ റോളിലേക്ക്‌ മഞ്‌ജു ഒതുങ്ങിപ്പോയത്‌. അന്നു തൊട്ടേ മഞ്‌ജുവിന്റെ തിരിച്ചുവരവിന്‌ വേണ്ടി ആരാധകര്‍ കാത്തിരിയ്‌ക്കുകയായിരുന്നു.

മഞ്‌ജു അവസാനമഭിനയിച്ച 'കണ്ണെഴുതി പൊട്ടും തൊട്ടി'ലെ അഭിനയം നിരൂപക പ്രശംസ നേടിക്കൊടുത്തതിനൊപ്പം ദേശീയ പുരസ്‌ക്കാരത്തിന്‌ തൊട്ടടുത്ത്‌ വരെ താരത്തെ എത്തിച്ചിരുന്നു.

അടുത്തിടെ അമ്മയ്‌ക്ക്‌ വേണ്ടി ദിലീപ്‌ നിര്‍മ്മിച്ച ട്വന്റി20യില്‍ മ്‌ഞ്‌ജു അഭിനയിക്കുമെന്ന്‌ അഭ്യൂഹങ്ങള്‍ പരന്നിരുന്നുവെങ്കിലും അതുണ്ടായില്ല. എന്നാല്‍ ട്വന്റി20യുടെ തന്നെ ഓഡിയോ സിഡി പ്രകാശനവേളയില്‍ സന്നിഹിതയായി മഞ്‌ജു തന്റെ തിരിച്ചുവരവിന്‌ ശക്തമായ സൂചനകള്‍ തന്നിരുന്നു.

അടുത്ത പേജില്‍
ലാലിനെ കടത്തിവെട്ടിയ അഭിനയ മികവ്‌

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

X