Click it and Unblock the Notifications
അലിഭായിക്കു പകരം ബാബ
അലിഭായിക്കു പകരം ബാബ
സപ്തംബര് 10, 2006
മോഹന്ലാലിന്റെ ഈ മാസം ചിത്രീകരണം ആരംഭിക്കുന്ന ചിത്രത്തില് മാറ്റം. ഷാജി കൈലാസ് സംവിധാനം ചെയ്യാനിരുന്ന അലിഭായി എന്ന ചിത്രം മോഹന്ലാല് തത്കാലത്തേക്ക് മാറ്റിവച്ചു.
ഈ ചിത്രത്തിനു പകരം ബാബാ കല്യാണി എന്ന് പേരിട്ടിരിക്കുന്ന ചിത്രം ചെയ്യാനാണ് മോഹന്ലാലിന്റെ തീരുമാനം. ഷാജി കൈലാസ് തന്നെയാണ് ഈ ചിത്രവും സംവിധാനം ചെയ്യുന്നത്. അലിഭായി നിര്മിക്കാനിരുന്ന ആന്റണി പെരുമ്പാവൂര് തന്നെയാണ് ആശീര്വാദ് സിനിമാസിന്റെ ബാനറില് ഈ ചിത്രവും നിര്മിക്കുന്നത്.
പൊലീസ് ഓഫീസറുടെ വേഷത്തിലാണ് മോഹന്ലാല് ചിത്രത്തില് പ്രത്യക്ഷപ്പെടുന്നത്. ഒളിമ്പ്യന് അന്തോണി ആദത്തിനു ശേഷം മോഹന്ലാല് പൊലീസ് ഓഫീസറായി അഭിനയിക്കുന്ന ഈ ചിത്രം ഷാജി കൈലാസിന്റെ പതിവ് ശൈലിയിലുള്ള സസ്പെന്സ് ത്രില്ലറായിരിക്കും.
എസ്.എന്.സ്വാമിയാണ് ചിത്രത്തിന് തിരക്കഥ രചിക്കുന്നത്. നീണ്ട ഇടവേളക്കു ശേഷമാണ് എസ്.എന്.സ്വാമി മോഹന്ലാല് ചിത്രത്തിനു വേണ്ടി തിരക്കഥ രചിക്കുന്നത്. മോഹന്ലാലിന്റെ ഇരുപതാം നൂറ്റാണ്ട് പോലുള്ള സൂപ്പര്ഹിറ്റുകള്ക്ക് എസ്.എന്.സ്വാമി തിരക്കഥയെഴുതിയിട്ടുണ്ട്.
Continue with Google