മകള്‍ക്കുവേണ്ടി അച്ഛന്‍ നിര്‍മ്മാതാവായി

മകളെ അഭിനയിപ്പിക്കാനായി സിനിമ നിര്‍മ്മിക്കാന്‍ തയ്യാറാവുകയായിരുന്നു അച്ഛന്‍ ചന്ദ്രന്‍. സോണി പിക്‌ചേര്‍സിന്റെ അഞ്ചു സുന്ദരികളില്‍ ഒരു സുന്ദരിയായ് റാണിയെ ഉള്‍പ്പെടുത്തി. അങ്ങിനെ റാണിചന്ദ്ര സിനിമതാരമായി. തുടര്‍ന്ന് അനാച്ഛാദനം, മിസ് കേരള എന്നീ ചിത്രങ്ങളില്‍ നായിക വേഷത്തിലെത്തിയ റാണിചന്ദ്രയ്ക്ക് ഭാഗ്യം കൂട്ടുനിന്നില്ല. രണ്ടു ചിത്രങ്ങളും പരാജയപ്പെട്ടു.

അന്ധവിശ്വാസത്തിന് കേള്‍വികേട്ട മലയാളസിനിമ രാശിയില്ലാത്ത നടിയാക്കി റാണി ചന്ദ്രയെ ഒതുക്കി കളഞ്ഞു. നല്ല കഥാപാത്രത്തിന്റെ പൂര്‍ണ്ണതയ്ക്കായി എന്ത് ത്യാഗം സഹിക്കാനും തയ്യാറായ റാണിചന്ദ്രയ്ക്ക് ചെറിയ ചെറിയ വേഷങ്ങള്‍ കൊണ്ട് തൃപ്തിപ്പെടേണ്ടിവന്നു ഏറെക്കാലം.

മിസ് കേരള ആന്റ് പാര്‍ട്ടി എന്ന പേരിലുള്ള ഡാന്‍സ് ട്രൂപ്പായിരുന്നു ഏക ആശ്വാസം. അവരും അനിയത്തിമാരും ഡാന്‍സ് പ്രോഗ്രാമുമായി ഇന്ത്യയ്ക്കകത്തും പുറത്തും തിരക്കിലായിരുന്നകാലത്ത് രാമുകാര്യാട്ടിന്റെ നെല്ലില്‍ ലഭിച്ച ചെറിയ വേഷത്തിലും അഭിനയിക്കാന്‍ തയ്യാറായി. ഇത് അവരുടെ ജീവിതത്തിലെ വലിയ വഴിത്തിരിവായി.

അടുത്ത പേജില്‍