സംഗീത മാമാങ്കങ്ങള്‍ സുതാര്യമാകണം

രഞ്ജിനി ഹരിദാസ്-ജഗതി ശ്രീകുമാര്‍ പ്രശ്‌നം കൊണ്ട് നിറം കെട്ട മഞ്ച് സ്റ്റാര്‍ സിംഗറിന്റെ പിന്നാലെ ഐഡിയാസ്‌റാര്‍ സിംഗറും വിവാദമായിരിക്കുന്നു. വിജയികളെ തീരുമാനിച്ച കീഴ് വഴക്കങ്ങളെ ചോദ്യം ചെയ്തുകൊണ്ട് പ്രേക്ഷകരിലൊരാള്‍ പരാതി നല്‍കിയതോടെ മലയാളത്തിലെ ജനപ്രിയ പരിപാടി ഇപ്പോള്‍ കോടതി കയറിയിരിക്കുകയാണ്.

പരിപാടിയെ ചുറ്റിപ്പറ്റി ഉയര്‍ന്ന വിവാദങ്ങളിലൊന്ന് മലയാളി ഏറ്റവും കൂടുതല്‍ ആദരിക്കുന്ന മഹനീയ വ്യക്തിത്വത്തിനുടമയായ കെ.ജെ.യേശുദാസ് എന്ന ദാസേട്ടന്റെ പേരുകൂടി ചേര്‍ത്താണ് എന്നതാണ് ഖേദകരം.

സംഗീതം ജീവിത സപര്യയാക്കിയ അനുഗ്രഹീത ഗായകന്റെ ഉറച്ച ചില നിലപാടുകള്‍ക്കാണ് ഐഡിയ സ്‌റാര്‍ സിംഗര്‍ ഗതി തിരിച്ചുവിട്ടത്, അല്ലെങ്കില്‍ അങ്ങിനെ ചിന്തിക്കാന്‍ പ്രേക്ഷകരെ പ്രേരിപ്പിക്കുന്നത്. മത്സരവേദികളില്‍ മാറ്റുരച്ച് മാറ്റുരച്ച് ആഘോഷമാക്കുന്ന സംഗീത അനുബന്ധപരിപാടികളെ വിമര്‍ശിക്കുകയും അതിന്റെയൊന്നും ഭാഗമാവാതിരിക്കുകയും ചെയ്ത ആസ്ഥാന ഗായകന്‍ ഐഡിയാസ്‌റാര്‍ സിംഗര്‍ ഫിനാലയുടെ വേദിയില്‍ നിറഞ്ഞുനില്ക്കുകയും ചെയ്തു.

കല്പന രാഘവേന്ദ്രയുടെ പാട്ട് കേട്ട് എഴുന്നേറ്റ് നിന്ന് കയ്യടിക്കുകയും ജഡ്ജസിനെ ആഴത്തില്‍ സ്വാധീനിക്കാന്‍ കെല്പുളള ഒരു കമന്റ് കല്പനക്കുവേണ്ടി പറയുകകൂടി ചെയ്തതോടെ ദാസേട്ടനെ ഒരു വികാരമായി കൊണ്ടുനടക്കുന്നവര്‍ ഒന്നു പകച്ചുവെന്ന് തന്നെ പറയാം.

അടുത്തപേജില്‍