ഹോം

വാർത്ത

ഫാസ്റായൊരു പേരുമാറ്റം
ഒക്ടോബര്‍ 10, 2005

ദിലീപിനെ നായകനാക്കി ജയസൂര്യ സംവിധാനം ചെയ്യുന്ന ചിത്രത്തിന്റെ പേര് മൂന്നു തവണയാണ് മാറ്റിയത്. ഏറ്റവുമൊടുവിലിട്ടിരിക്കുന്ന പേര് ഫാസ്റ്ട്രാക്ക് എന്നാണ്.

ദിലീപ് ഒരു അത്ലറ്റായി വേഷമിടുന്ന ഈ ചിത്രത്തിന് പ്രമേയവുമായി ബന്ധപ്പെട്ട പേരുകളാണ് ആലോചിച്ചിരുന്നത്. അങ്ങനെ ആദ്യം പ്രഖ്യാപിച്ച പേര് സ്പീഡ് എന്നായിരുന്നു. പിന്നീട് അതു മാറ്റി റഷ് എന്നാക്കി. ആ പേരും മാറിയതായി ഉടന്‍ പ്രഖ്യാപനമുണ്ടായി. അര്‍ജുന്‍ എന്നായി പുതിയ പേര്. ഇപ്പോഴിതാ ആ പേരും മാറ്റിയിരിക്കുന്നു. ഫാസ്റ് ട്രാക്ക് എന്ന പുതിയ പേരില്‍ തന്നെ ഉറച്ചുനില്‍ക്കുമോയെന്നും നിശ്ചയമില്ല.

നവാഗത സംവിധായകനായ ജയസൂര്യ ഒരുക്കുന്ന ഈ ചിത്രത്തിന് തിരക്കഥ രചിച്ചിരിക്കുന്നത് സംവിധായകന്‍ തന്നെയാണ്. ദിലീപിനെ കൂടാതെ ജഗതി ശ്രീകുമാര്‍, ഹരിശ്രീ അശോകന്‍, സലിംകുമാര്‍, മധുവാര്യര്‍ തുടങ്ങിയ പ്രമുഖതാരങ്ങളും വേഷമിടുന്നു.

പാലക്കാട്, പൊള്ളാച്ചി, ഊട്ടി എന്നിവിടങ്ങളിലായി ചിത്രത്തിന്റെ ഷൂട്ടിംഗ് നടന്നുവരികയാണ്. വര്‍ണചിത്രയുടെ ബാനറില്‍ സുബൈറാണ് ചിത്രം നിര്‍മിക്കുന്നത്.