ഹോം

വാർത്ത

വാണി ഉണ്ണിയാര്‍ച്ച... കുഞ്ചാക്കോ ആരോമല്‍...
ഒക്ടോബര്‍ 13, 2000

വാണിവിശ്വനാഥ് ഉണ്ണിയാര്‍ച്ചയും കുഞ്ചാക്കോ ബോബന്‍ ആരോമലുണ്ണിയുമാകുന്നു. വടക്കന്‍പാട്ടിന്റെ പശ്ചാത്തലത്തില്‍ പി.ജി. വിശ്വംഭരന്‍ സംവിധാനം ചെയ്യുന്ന ഉണ്ണിയാര്‍ച്ച എന്ന ചിത്രത്തിലാണ് വാണിക്കും കുഞ്ചാക്കോ ബോബനും ഈ വേഷപ്പകര്‍ച്ച.

ക്യാപ്ടന്‍ രാജു കണ്ണപ്പച്ചേകവരായും സ്ഫടികം ജോര്‍ജ് അരിങ്ങോടരായും ചിത്രത്തില്‍ വേഷമിടുന്നു. കലാഭവന്‍ മണി, ഇന്ദ്രജ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.

ശത്രുഘ്നനാണ് തിരക്കഥയും സംഭാഷണവും നിര്‍വഹിക്കുന്നത്. രാമചന്ദ്രബാബുവാണ് ഛായാഗ്രഹണം.

ചിത്രത്തിന്റെ ഷൂട്ടിംഗ് കൊച്ചി, ഗുരുവായൂര്‍, വടകര എന്നിവിടങ്ങളിലായി നടക്കും.