Click it and Unblock the Notifications
ശരത്ചന്ദ്രന് വയനാടിന്റെ ചിത്രത്തില് ശ്രീനി നായകന്
ശരത്ചന്ദ്രന് വയനാടിന്റെ ചിത്രത്തില് ശ്രീനി നായകന്
ഒക്ടോബര് 17, 2001
ശരത്ചന്ദ്രന് വയനാട് ആദ്യമായി സംവിധാനം ചെയ്യുന്ന ചിത്രത്തില് ശ്രീനിവാസന് നായകനാവുന്നു. ലക്ഷ്മി ഗോപാലസ്വാമിയാണ് ശ്രീനിവാസന്റെ നായിക.
ചക്കരക്കുഴി കരുണന് എന്ന കഥാപാത്രത്തെയാണ് ശ്രീനിവാസന് ചിത്രത്തില് അവതരിപ്പിക്കുന്നത്. കൈരേഖാ ശാസ്ത്രത്തിലും ജ്യോതിഷത്തിലും അന്ധമായി വിശ്വസിച്ച് ജ്യോതിഷികളുടെയും മറ്റും നിര്ദേശമനുസരിച്ച് ജീവിതം നയിക്കുന്ന കഥാപാത്രമാണ് കരുണന്. കരുണന്റെ ഈ ജ്യോതിഷഭ്രമം വീട്ടുകാരിലും നാട്ടുകാരിലും ഉണ്ടാക്കുന്ന പ്രശ്നങ്ങള് നര്മത്തിന്റെ മേമ്പൊടിയോടെയാണ് ചിത്രത്തില് അവതരിപ്പിക്കുന്നത്.
തമ്പുരാന് പ്രൊഡക്ഷന്സിന്റെ ബാനറില് രമേശ്നമ്പ്യാരാണ് ചിത്രം നിര്മിക്കുന്നത്. ഗിരീഷ് പുത്തഞ്ചേരിയുടെ വരികള്ക്ക് പ്രേം ബോംബെ ഈണം പകരുന്നു. യേശുദാസ്, എം. ജി. ശ്രീകുമാര് എന്നിവരാണ് പിന്നണിയില് ഗാനമാലപിക്കുന്നത്.
Continue with Google