Don't Miss!
- News കാവേരി നദിയില് നിന്ന് വെള്ളമെത്തിക്കുമെന്ന് പ്രചാരണം; ഡികെ ശിവകുമാറിനെതിരെ കേസെടുത്തു
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
- Automobiles പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
വിജയത്തിന്റെ കാഴ്ച
വിജയത്തിന്റെ കാഴ്ച
ഒക്ടോബര് 21, 2004
ഓണച്ചിത്രങ്ങളില് കാഴ്ചയുടെ വിജയം അമ്പരിപ്പിക്കുന്നതാണ്. പരസ്യങ്ങളുടെ വന്ആര്ഭാടങ്ങളോ വലിയ അവകാശവാദങ്ങളോ ഇല്ലാതെ നിശബ്ദമായി എത്തിയ ഈ ചിത്രമാണ് ഓണച്ചിത്രങ്ങളില് ഏറ്റവും വലിയ വിജയം കൊയ്തത്. റിലീസ് ചെയ്ത മിക്ക കേന്ദ്രങ്ങളിലും ഈ ചിത്രം 50-ാം ദിവസം പിന്നിട്ട് പ്രദര്ശനം തുടരുമ്പോള് മറ്റ് ഓണച്ചിത്രങ്ങള് പല തിയേറ്ററുകളില് നിന്നും പിന്വലിക്കപ്പെട്ടു കഴിഞ്ഞു.
മമ്മൂട്ടി ചിത്രമാണെങ്കിലും മോഹന്ലാല് ചിത്രമായ നാട്ടുരാജാവിനോ ദിലീപ്-പ്രിയദര്ശന് ചിത്രമായ വെട്ടത്തിനോ ലഭിച്ച പബ്ലിസിറ്റി കാഴ്ചക്ക് ലഭിച്ചിരുന്നില്ല. വലിയ കൊട്ടിഘോഷങ്ങളോടെ എത്തിയ മറ്റ് രണ്ട് ചിത്രങ്ങളെ അപേക്ഷിച്ച് മിക്കവാറും നിശബ്ദമായ ഒരു കടന്നുവരവായിരുന്നു കാഴ്ചയുടേത്. ഓണദിവസം തിയേറ്ററുകളിലെത്തിയ ഈ ചിത്രത്തെ ആദ്യദിവസങ്ങള് പ്രേക്ഷകര് കാര്യമായി ഗൗനിച്ചിരുന്നില്ലെന്നതാണ് സത്യം.
മമ്മൂട്ടി ചിത്രമാണെങ്കിലും മറ്റ് ഓണച്ചിത്രങ്ങള്ക്കിടയില് ആക്ഷനോ സ്ഥിരം ശൈലിയിലുള്ള കോമഡിയോ നെടുനീളന് സംഭാഷണങ്ങളോ ഇല്ലാത്ത ഒരു പാവം ചിത്രത്തിന്റെ പരിവേഷമായിരുന്നു കാഴ്ചക്ക്. മേല്പ്പറഞ്ഞതൊക്കെയാണ് ഒരു ചിത്രം വിജയിക്കാന് വേണ്ടതെന്ന് ധരിക്കുന്നവര്ക്കിടയില് ഈ ചിത്രം ആദ്യം ശ്രദ്ധിക്കപ്പെടാതെ പോയെങ്കിലും ജീവിതഗന്ധിയായ കഥ പറയുന്ന കാഴ്ചയുടെ വ്യത്യസ്തത പതുക്കെ പ്രേക്ഷകരെ ആകര്ഷിക്കുകയായിരുന്നു.
കെട്ടുകാഴ്ചകളായി മാറുന്ന സിനിമകള്ക്കിടയില് ജീവിതത്തിന്റെ നേര്ക്കാഴ്ച അവതരിപ്പിക്കുന്ന ഈ ചിത്രം അവതരണത്തിന്റെ പ്രത്യേകത കൊണ്ടും കഥയിലെ പുതുമ കൊണ്ടുമാണ് ശ്രദ്ധിക്കപ്പെട്ടത്. ആദ്യദിവസങ്ങളില് ഹൗസ്ഫുള്ളായി ഓടിയ വന്ബജറ്റ് ചിത്രങ്ങള്ക്ക് അധികം താമസിയാതെ പ്രേക്ഷകരില്ലാതായപ്പോള് കാഴ്ചക്ക് പ്രേക്ഷകരെ ആകര്ഷിക്കാന് കഴിഞ്ഞത് ഈ പ്രത്യേകതകള് മൂലമായിരുന്നു.
രണ്ടര കോടിയോളം മുടക്കി നിര്മിച്ച വെട്ടവും ഒന്നര കോടി ചെലവഴിച്ച് ഒരുക്കിയ സത്യവും മുടക്കുമുതല് തിരിച്ചുപിടിക്കാന് പോലും കഴിയാതെ ബോക്സോഫീസില് മൂക്കുംകുത്തി വീണപ്പോഴാണ് കാഴ്ച എന്ന ലോബജറ്റ് ചിത്രം അപ്രതീക്ഷിതമായ വിജയം കൊയ്തത്. കുടുംബപ്രേക്ഷകരാണ് ഈ ചിത്രത്തെ പ്രധാനമായും വിജയപദത്തിലെത്തിച്ചത്.
നവാഗത സംവിധായകനായ ബ്ലെസ്സി ഈ ചിത്രത്തിലൂടെ സൂപ്പര്താരമായി എന്നത് കൗതുകകരമാണ്. അടുത്ത കാലത്തൊന്നും ഒരു നവാഗത സംവിധായകന് ഇത്രയേറെ ശ്രദ്ധ പിടിച്ചുപറ്റാന് കഴിഞ്ഞിട്ടില്ല. കാമ്പുള്ള സിനിമാപ്രവര്ത്തകര്ക്ക് എന്നായാലും തന്റെ സാന്നിധ്യം പ്രേക്ഷകനെ അറിയിക്കാനാവും എന്നതിന് തെളിവാണ് പതിനഞ്ചു വര്ഷത്തോളം സഹസംവിധായകനായി പ്രവര്ത്തിച്ചതിന് ശേഷം ആദ്യചിത്രത്തിലൂടെ ബ്ലെസ്സിക്ക് ലഭിക്കുന്ന ഈ അംഗീകാരം.
കാഴ്ചയിലെ പവന് എന്ന കുട്ടിയെ അവതരിപ്പിച്ച ഗുജറാത്തി ബാലനായ യാഷിനെയും മമ്മൂട്ടിയുടെ മകളായി അഭിനയിച്ച സനുഷയെയും പ്രേക്ഷകര് ഏറ്റെടുത്തിരിക്കുന്നു. ഒപ്പം മമ്മൂട്ടിക്കും നായികയായി അഭിനയിച്ച പത്മപ്രിയക്കും പ്രേക്ഷകരുടെ നീണ്ട കൈയടി. അങ്ങനെ നല്ല ചിത്രങ്ങളെ എന്നും പ്രേക്ഷകര് സ്വീകരിക്കുമെന്നതിന് തെളിവാകുന്നു കാഴ്ച.
-
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം
-
ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി
-
അല്ഫോണ്സ് പുത്രനും വിനീത് ശ്രീനിവാസനും ഈ കാര്യത്തില് ഒരുപോലെ: വിശ്വജിത്ത് ഒടുക്കത്തില്