Don't Miss!
- Lifestyle സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം
- Finance കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം
- News രാമക്ഷേത്ര പരാമർശം; നരേന്ദ്ര മോദിക്ക് ഇലക്ഷൻ കമ്മീഷന്റെ ക്ലീൻ ചിറ്റ്, ചട്ടലംഘനമില്ലെന്ന് കണ്ടെത്തൽ
- Sports IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി?
- Technology സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ
- Automobiles ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- Travel ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും
സൂപ്പര്താരങ്ങള് കാക്കിക്കുപ്പായത്തില്
സൂപ്പര്താരങ്ങള് കാക്കിക്കുപ്പായത്തില്
ഒക്ടോബര് 27, 2003
കിടിലന് സംഭാഷണങ്ങളും ഒടുങ്ങാത്ത വീറുമായി പ്രേക്ഷകരെ കോരിത്തരിപ്പിക്കാന് മലയാളത്തിലെ സൂപ്പര്താരങ്ങള് വീണ്ടും പൊലീസ് വേഷങ്ങളിലെത്തുന്നു. പ്രമുഖ സംവിധായകരുടെ സിനിമകളിലാണ് അനീതിക്കെതിരെ പോരാടുന്ന കാക്കിവേഷങ്ങളില് മമ്മൂട്ടിയും മോഹന്ലാലും സുരേഷ്ഗോപിയും പ്രത്യക്ഷപ്പെടുന്നത്.
അഴിമതിയുടെ കറ തൊട്ടുതീണ്ടാത്ത, പ്രലോഭനങ്ങള്ക്ക് വഴങ്ങാത്ത, അനീതിക്കെതിരെ ആഞ്ഞടിക്കുന്ന സൂപ്പര് താരങ്ങളുടെ പൊലീസ് വേഷങ്ങള് പ്രേക്ഷകര്ക്ക് എന്നും ഹരമായിരുന്നു. ബലമുള്ള തിരക്കഥകളില് പണിത പൊലീസ് കഥകള് എന്നും പ്രേക്ഷകര് സ്വീകരിച്ചിട്ടുണ്ട്. പൊലീസ് കഥകള്ക്കുള്ള ഈ വിപണിമൂല്യം പ്രയോജനപ്പെടുത്തുക എന്ന ലക്ഷ്യത്തോടെയാണ് ഒരു ഇടവേളക്ക് ശേഷം സൂപ്പര്താരങ്ങള് വീണ്ടും കാക്കിക്കുപ്പായം എടുത്തണിയുന്നത്. മലയാളത്തില് നല്ല പൊലീസ് കഥകള് വന്നിട്ട് കുറെ കാലമാവുകയും ചെയ്തിരിക്കുന്നു.
സൂപ്പര്ഹിറ്റായ ഒരു സി ബിഐ ഡയറിക്കുറിപ്പിലെ സേതുരാമയ്യര് എന്ന സിബിഐ ഓഫീസറായാണ് മമ്മൂട്ടി വീണ്ടും വെള്ളിത്തിരയിലെത്തുന്നത്. മമ്മൂട്ടിയുടെ ഏറ്റവുമേറെ അംഗീകരിക്കപ്പെട്ട പൊലീസ് വേഷമാണ് കെ. മധു സംവിധാനം ചെയ്ത സിബിഐ ഡയറിക്കുറിപ്പിലെ സേതുരാമയ്യര് എന്ന കഥാപാത്രം. പതിവ് പൊലീസ് രീതികളില് നിന്ന് വ്യത്യസ്തമായി വളരെ മൃദുവായി പെരുമാറുകയും സൂക്ഷ്മബുദ്ധി കൊണ്ട് കുറ്റങ്ങളുടെ കുരുക്കുകള് അഴിക്കുകയും ചെയ്യുന്ന സേതുരാമയ്യര് കെ. മധുവിന്റെ പുതിയ ചിത്രത്തിലൂടെ പുനര്ജനിക്കുകയാണ്.
സിബിഐ ഡയറിക്കുറിപ്പിന്റെ മൂന്നാം ഭാഗമാണ് കെ. മധു ഒരുക്കുന്നത്. ജാഗ്രതയായിരുന്നു രണ്ടാം ഭാഗം. രാക്ഷസരാജാവ് എന്ന ചിത്രത്തിന് ശേഷം മമ്മൂട്ടി ചെയ്യുന്ന പൊലീസ് വേഷമാണ് ഈ ചിത്രത്തിലേത്.
രഞ്ജി പണിക്കര് ആദ്യമായി സംവിധാനം ചെയ്യുന്ന നരന് എന്ന ചിത്രത്തില് മോഹന്ലാല് അവതരിപ്പിക്കുന്ന പൊലീസ് ഓഫീസറായ നരേന്ദ്രന് എന്ന കഥാപാത്രം ലാല് പ്രേക്ഷകര്ക്ക് ഏറെ ആസ്വാദ്യകരമാവുമെന്നാണ് കരുതപ്പെടുന്നത്. ആക്ഷന് ചിത്രങ്ങള്ക്ക് തിരക്കഥ രചിക്കുന്നതില് നല്ല മിടുക്കുള്ളരഞ്ജി പണിക്കര് ആദ്യമായി സംവിധായക വേഷത്തില് പ്രത്യക്ഷപ്പെടുന്ന ചിത്രത്തില് മോഹന്ലാല് നായകനാവുകയും ചെയ്യുന്നതോടെ ഒരു സൂപ്പര് ഹിറ്റ് പിറക്കും എന്നാണ് കണക്കുകൂട്ടല്. ഒളിമ്പ്യന് അന്തോണി ആദം എന്ന ചിത്രത്തിലാണ് മോഹന്ലാല് അവസാനമായി പൊലീസ് വേഷം അവതരിപ്പിച്ചത്.
ഒരു ഇടവേളക്ക് ശേഷം സുരേഷ് ഗോപിയും ഷാജി കൈലാസും ഒന്നിക്കുന്ന ചിത്രമാണ് ടൈഗര്. പൊലീസ് വേഷങ്ങളിലൂടെ സുരേഷ് ഗോപിയെ സൂപ്പര്താരമാക്കിയ ഷാജി കൈലാസ് ഒരുക്കുന്ന ടൈഗറില് വീരശൂരപരാക്രമിയായ പൊലീസ് ഓഫീസറായി സുരേഷ് ഗോപി വീണ്ടും പ്രത്യക്ഷപ്പെടുകയാണ്. ഏകലവ്യന്, കമ്മിഷണര് എന്നീ ചിത്രങ്ങളുടെ വിജയം ആവര്ത്തിക്കുക എന്ന ലക്ഷ്യത്തോടെയാണ് ഇരുവരും വീണ്ടും ഒന്നിക്കുന്നത്.
നരിമാന് എന്ന ചിത്രത്തിലാണ് അവസാനമായി സുരേഷ് ഗോപി പൊലീസ് വേഷം ചെയ്തത്. കെ. മധു സംവിധാനം ചെയ്ത ഈ ചിത്രം ഹിറ്റായിരുന്നു.
-
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
-
കാത്തിരിപ്പിനൊടുവിൽ സിജോ തിരിച്ചെത്തുന്നു; വീട്ടിൽ അടിമുടി മാറ്റം; എങ്ങനെ മുന്നോട്ട് പോകുമെന്ന് പ്രേക്ഷകർ
-
വീട്ടിൽ ഇൻകം ടാക്സ് റെയ്ഡ്; കൂസലില്ലാതെ രേഖ; നടിക്കൊപ്പം ഇന്റിമേറ്റ് രംഗങ്ങളിൽ അഭിനയിച്ചപ്പോൾ; ശേഖർ സുമൻ