ഹോം

വാർത്ത

ഉമ്മറിന്റെ മൃതദേഹം കബറടക്കി
ഒക്ടോബര്‍ 30, 2001

ചെന്നൈ: ചലച്ചിത്ര നടന്‍ കെ. പി. ഉമ്മറിന്റെ മൃതദേഹം കബറടക്കി. ഒക്ടോബര്‍ 30 ചൊവാഴ്ച നാല് മണിയോടെ ചൂളൈമേട് ജുമാമസ്ജിദ് കബര്‍ സ്ഥാനത്താണ് ശവസംസ്കാരം നടന്നത്.

സിനിമാ-സാമൂഹ്യരംഗങ്ങളിലെ നൂറുകണക്കിനാളുകള്‍ ഉമ്മറിന് അന്ത്യോപചാരമര്‍പ്പിക്കാന്‍ ചെന്നൈയിലെ സാലിഗ്രാമത്തിലെത്തി. ചലചിത്രരംഗത്തെ പ്രമുഖരായ മമ്മൂട്ടി, ശ്രീനിവാസന്‍, ഹരിഹരന്‍, വിനയന്‍ തുടങ്ങിയവരും അക്കൂട്ടത്തിലുണ്ടായിരുന്നു.

വൃക്കസംബന്ധമായ അസുഖത്തെ തുടര്‍ന്നായിരുന്നു ഉമ്മറിന്റെ അന്ത്യം. ഒരു മാസത്തിലേറെയായി ചികിത്സയിലായിരുന്നു.മൂന്ന് ദശകങ്ങളോളം മലയാളസിനിമയിലെ സാന്നിധ്യമായിരുന്ന ഉമ്മര്‍ അഞ്ഞൂറിലേറെ ചിത്രങ്ങളില്‍ അഭിനയിച്ചിട്ടുണ്ട്.