ആനും പത്മപ്രിയയും നാടകത്തിരക്കില്‍

സിനിമയില്‍ തിളങ്ങി നില്‍ക്കുന്ന നടിമാര്‍ക്കൊന്നും നാടകത്തോട് അത്ര കമ്പമുണ്ടാവാന്‍ വഴിയില്ല. എന്നാല്‍ ഇതിനൊരപവാദമാവുകയാണ് നടിമാരായ പത്മപ്രിയയും ആന്‍ അഗസ്റ്റിനും. സിനിമാലോകത്തെ തിരക്കുകളോട് വിടപറഞ്ഞ് നാടക പരിശീനച്ചൂടിലാണ് ഇരുവരും.

ബാംഗ്ലൂര്‍ ആസ്ഥാനമായുള്ള ഒരു നാടക സംഘത്തിന്റെ കീഴിലാണ് ഈ നടിമാര്‍ പരിശീലനം നടത്തുന്നത്. ലോകം മുഴുവനുമുള്ള നാടകാരാധകരെ ലക്ഷ്യം വച്ച് 4 പ്ലേ എന്ന പേരില്‍ നാല് ഇംഗ്ലീഷ് ലഘുനാടകങ്ങളാണ് ഇവര്‍ ഒരുക്കുന്നത്.

ആന്റണ്‍ ചെക്കോവിന്റെ ദി ബിയര്‍, ഡെത്ത് ഓഫ് ക്ലാര്‍ക്ക്, ജയപ്രകാശ് കുളൂരിന്റെ എന്താണമ്മേ ഉണ്യേട്ടന്‍, ദി ബ്രിഡ്ജ് എന്നിവയാണ് ഇവര്‍ പുതിയ രൂപത്തില്‍ തയ്യാറാക്കുന്നത്.
{14422}
ബാംഗ്ലൂര്‍ ആസ്ഥാനമാക്കി പ്രവര്‍ത്തിക്കുന്ന ബ്ലൂ ഓഷര്‍ തീയേറ്ററാണ് നാടകത്തിന്റെ സംഘാടകര്‍. നാടകത്തിന്റെ അണിയറ ശില്പികളെല്ലാം നാടക രംഗത്തെ പ്രശസ്തരാണ്.