ഫിലിം ചേംബറിന് സുരേഷ് ഗോപിയുടെ പിന്തുണ

കോടികള്‍ പ്രതിഫലം വാങ്ങുന്ന സിനിമാതാരങ്ങള്‍ ടിവി ചാനലുകളിലെ പരിപാടികളില്‍ പങ്കെടുക്കുന്നത് കുറയ്ക്കണമെന്ന് നടന്‍ സുരേഷ് ഗോപി. താരങ്ങള്‍ സിനിമയോട് തന്നെയാണ് കൂറ് കാണിക്കേണ്ടതെന്ന് അദ്ദേഹം വ്യക്തമാക്കി. ചാനലുകളില്‍ താരങ്ങളുടെ സാന്നിധ്യം കുറയുന്നതോടെ പ്രേക്ഷകര്‍ തിയറ്ററുകളല്‍ തിരിച്ചെത്തുമെന്ന് അദ്ദേഹം ചൂണ്ടിക്കാട്ടി.

ടിവി പരിപാടികളുമായി സഹകരിക്കുന്ന താരങ്ങളെ വിലക്കണമെന്ന ഫിലിം ചേബറിന്റെ നിര്‍ദേശത്തെ പിന്തുണച്ചാണ് സുരേഷ് ഗോപി രംഗത്തെത്തിയിരിക്കുന്നത്.

അതേസമയം ചാനല്‍ ഷോകളില്‍ ഗായകര്‍ക്ക് വിലക്ക് ഏര്‍പ്പെടുത്താനുള്ള ഫിലിം ചേബര്‍ നീക്കം തെറ്റാണെന്നും സുരേഷ് ഗോപി വ്യക്തമാക്കി.