»   » കമല്‍ ചിത്രത്തില്‍ മമ്മൂട്ടി

കമല്‍ ചിത്രത്തില്‍ മമ്മൂട്ടി

Posted By:
Subscribe to Filmibeat Malayalam
For Quick Alerts
ALLOW NOTIFICATIONS
For Daily Alerts

    കമല്‍ ചിത്രത്തില്‍ മമ്മൂട്ടി
    നവംബര്‍ 09, 2004

    നീണ്ട ഇടവേളക്കു ശേഷം കമലും മമ്മൂട്ടിയും വീണ്ടും ഒന്നിക്കുന്നു. പെരുമഴക്കാലത്തിന് ശേഷം കമല്‍ ഒരുക്കുന്ന പുതിയ ചിത്രത്തിലാണ് മമ്മൂട്ടി നായകനാവുന്നത്.

    അഴകിയ രാവണന്‍ ആണ് ഇതിന് മുമ്പ് കമലും മമ്മൂട്ടിയും ഒത്തുചേര്‍ന്ന ഒടുവിലത്തെ ചിത്രം. ശ്രീനിവാസന്‍ തിരക്കഥയെഴുതിയ ഈ ചിത്രം വിജയമായിരുന്നു. ആ ചിത്രത്തിന് ശേഷം നീണ്ട കാലത്തെ ഇടവേള പിന്നിട്ടാണ് ഇരുവരും വീണ്ടും ഒന്നിക്കുന്നത്. അഴകിയ രാവണന് മുമ്പ് മമ്മൂട്ടിയെ നായകനാക്കി കമല്‍ ഒരുക്കിയ മഴയെത്തും മുമ്പേ സൂപ്പര്‍ഹിറ്റായിരുന്നു.

    കലവൂര്‍ രവികുമാറാണ് കമലിന്റെ മമ്മൂട്ടി ചിത്രത്തിന് തിരക്കഥ രചിക്കുന്നത്. മഞ്ഞുപോലൊരു പെണ്‍കുട്ടി, നമ്മള്‍ എന്നിവയാണ് കമല്‍-കലവൂര്‍ രവികുമാര്‍ ടീമിന്റെ മുന്‍ചിത്രങ്ങള്‍. നമ്മള്‍ ഉജ്വലവിജയം നേടിയെങ്കിലും മഞ്ഞുപോലൊരു പെണ്‍കുട്ടി വിജയമായില്ല.

    ഡ്രീം പ്രൊഡക്ഷന്‍സിന്റെ ബാനറില്‍ ഹൗളി പോട്ടൂര്‍ ആണ് ചിത്രം നിര്‍മിക്കുന്നത്. മഞ്ഞുപോലൊരു പെണ്‍കുട്ടി ഹൗളി പോട്ടൂരാണ് നിര്‍മിച്ചത്.

    ചിത്രത്തിന്റെ വിശദമായ താരനിര്‍ണയം നടന്നുവരുന്നതേയുള്ളൂ. ചിത്രത്തിന്റെ പേരും തീരുമാനമായിട്ടില്ല. വി. എം. വിനുവിന്റെ വേഷം പൂര്‍ത്തിയാക്കിയതിനു ശേഷം മമ്മൂട്ടി കമല്‍ ചിത്രത്തില്‍ അഭിനയിച്ചുതുടങ്ങും.

    കമലിന്റെ പെരുമഴക്കാലം നവംബറില്‍ റിലീസ് ചെയ്യും. സിനിമയെ ഗൗരവത്തോടെ സമീപിക്കാനുള്ള ഒരു ശ്രമമാണ് പെരുമഴക്കാലം. പെരുമഴക്കാലത്തിലൂടെ കഴിഞ്ഞ ഏതാനും ചിത്രങ്ങളുടെ പതിവുരീതിയില്‍ നിന്ന് വിട്ടുനില്‍ക്കാന്‍ ശ്രമിച്ച കമല്‍ വീണ്ടും മമ്മൂട്ടി ചിത്രത്തിലൂടെ മറ്റൊരു മാറ്റത്തിന് ഒരുങ്ങുകയാണ്. ഒരു ഇടവേളക്ക് ശേഷം കമല്‍ ഒരുക്കുന്ന സൂപ്പര്‍താര ചിത്രമാണ് ഇതെന്ന പ്രത്യേകതയുണ്ട്. മോഹന്‍ലാലിനെ നായകനാക്കി ഒരുക്കിയ അയാള്‍ കഥയെഴുതുകയാണ് എന്ന ചിത്രമാണ് കമലിന്റെ ഒടുവിലത്തെ സൂപ്പര്‍താര ചിത്രം.

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more