ഹോം

വാർത്ത

മോഹന്‍ലാലിന്റെ സിബി ചിത്രം ദേവദൂതന്‍
നവംബര്‍ 13, 2000

കോക്കേഴ്സ് ഫിലിംസിന്റെ ബാനറില്‍ സിബി മലയില്‍ സംവിധാനം ചെയ്യുന്ന മോഹന്‍ലാല്‍ ചിത്രത്തിന് ദേവദൂതന്‍ എന്ന് പേരിട്ടു. ചിത്രം ക്രിസ്മസിന് തീയേറ്ററുകളിലെത്തും.

ഇപ്പോള്‍ ചിത്രീകരണം പുരോഗമിച്ചുകൊണ്ടിരിക്കുന്ന ഈ ചിത്രത്തില്‍ വിശാല്‍ കൃഷ്ണമൂര്‍ത്തി എന്ന സംഗീതജ്ഞനെയാണ് മോഹന്‍ലാല്‍ അവതരിപ്പിക്കുന്നത്. കന്നടയില്‍ നിന്നെത്തുന്ന വിജയലക്ഷ്മിയാണ് നായിക.

പ്രശസ്ത ഹിന്ദി-കന്നട താരവും രാജ്യസഭാംഗവുമായ ജയപ്രദയും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. മുരളി, ജഗദീഷ്, ജഗതി, ലെന തുടങ്ങിയവരാണ് മറ്റ് പ്രധാന അഭിനേതാക്കള്‍.

രഘുനാഥ് പലേരിയുടേതാണ് തിരക്കഥ. കൈതപ്രത്തിന്റെ ഗാനങ്ങള്‍ക്ക് ഈണം പകരുന്നത് വിദ്യാസാഗര്‍. ഛായാഗ്രഹണം സന്തോഷ് സി. തുണ്ടിയില്‍.