Don't Miss!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Automobiles കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ജയറാം വീണ്ടും ഇരട്ടവേഷത്തില്
ഒരുപാട് പ്രതീക്ഷയോടെ ചെയ്ത ഏറെചിത്രങ്ങള് ദയനീയമായ പരാജയപ്പെട്ട സമയത്താണ് വെറുതെ ഒരു ഭാര്യ വന് ഹിറ്റായത്. ഈ രണ്ടാം വരവില് ജയറാം ഇരട്ടവേഷവും ചെയ്യുന്നു. കെ മധുവിന്റെ ചിത്രത്തിലാണ് ജയറാം ഇരട്ടവേഷത്തില് പ്രത്യക്ഷപ്പെടുന്നത്.
എസ്എന് സ്വാമിയാണ് ചിത്രത്തിന്റെ തിരക്കഥ തയ്യാറാക്കുന്നത്. നര്മ്മപ്രാധാന്യമുള്ള ഒരു കുറ്റാന്വേഷണ കഥയാണിത്. ചിത്രത്തിന്റെ പേരും മറ്റുതാരങ്ങളെയും തീരുമാനിച്ചിട്ടില്ല. മധു-എസ്എന് സ്വാമി കൂട്ടുകെട്ടിന്റെ സാധാര ചിത്രങ്ങളില് നിന്നും തികച്ചും വ്യത്യസ്തമായ ട്രീറ്റ്മെന്റിലുള്ള ചിത്രമായിരിക്കുമിതെന്നാണ് അണിയറക്കാര് നല്കുന്ന സൂചന.
ജയറാമിനെ നായകനാക്കി കെ. മധു സംവിധാനം ചെയ്യുന്ന രണ്ടാമത്തെ ചിത്രമാണിത്. മുമ്പ് ചെയ്ത് രണ്ടാംവരവ് എന്ന ചിത്രം പരാജയമായിരുന്നു. എന്തായാലും വെറുതെ ഒരു ഭാര്യ നല്കിയ പുതിയ ഉണര്വ്വ് ജയറാമിനെ നായകനാക്കുമ്പോള് പുതിയ ചിത്രത്തിന് അനകൂലമായി ഭവിക്കുമെന്നാണ് മധുവിന്റെ കണക്കുകൂട്ടല്.
എസ് എന്സ്വാമിയുടെ തിരക്കഥയില് ഇത് മൂന്നാം തവണയാണ് ജയറാം അഭിനയിക്കുന്നത്. ചാഞ്ചാട്ടം, ധ്രുവം എന്നിവയായിരുന്നു ആദ്യ രണ്ടു ചിത്രങ്ങള്. പുതിയ ചിത്രത്തിന്റെ ഷൂട്ടിങ് ജൂണില് തുടങ്ങുമെന്നാണ് അറിയുന്നത്.
ജയറാം, പ്രിയങ്ക എന്നിവര് പ്രധാനവേഷത്തിലെത്തുന്ന സമസ്തകേരളം പിഒ ജനുവരി 21ന് തിയേറ്ററുകളിലെത്തും. 2009ല് റിലീസ് ചെയ്യപ്പെടുന്ന ആദ്യ ചിത്രമായിരിക്കും സമസ്ത കേരളം പിഒ. ഇതില് ഒരു ഗാന്ധിയനായ ചെറുപ്പക്കാരനെയാണ് ജയറാം അവതരിപ്പിക്കുന്നത്.