കാസനോവ ലാല്‍ ഫാന്‍സ് പോലും തള്ളി

കോടികള്‍ മുടക്കി മൂന്ന് വര്‍ഷം ചിലവിട്ട് ഒരുപാട് സാഹസങ്ങള്‍ അനുഭവിച്ച് ഉണ്ടാക്കിയെടുത്ത ഈ സിനിമ നശിപ്പിച്ചത് റോഷന്‍ആന്‍ഡ്രൂസിലുള്ള പ്രേക്ഷകരുടെ വിശ്വാസമാണ്. മോഹന്‍ലാല്‍ ഫാന്‍സുപോലും സാക്ഷ്യപ്പെടുത്തുന്നു, സുഹൃത്തെ കാസനോവ അറുബോറാണ്. ആബാലവൃദ്ധം ജനങ്ങളും മോശമെന്ന് ഏകസ്വരത്തില്‍ പറഞ്ഞ ഒരുസിനിമയാകുന്നു കാസനോവ.

കാസനോവയ്ക്ക് വേണ്ടി ചെലവഴിച്ച കോടികള്‍ കൊണ്ട് നാല് നല്ല സിനിമകള്‍ ചെയ്യാന്‍ റോഷന്‍ ആന്‍ഡ്രൂസിന് കഴിയുമായിരുന്നു. ആയിരം പ്രദര്‍ശനം കൊണ്ട് നിങ്ങള്‍ വാരിക്കൂട്ടാന്‍ ശ്രമിച്ചതും ഇത് മോശമാണെന്ന തിരിച്ചറിവ് കൊണ്ടാണെന്ന് സിനിമ കണ്ടപ്പോള്‍ ബോദ്ധ്യമായി.

ടി.വി.ചാനലുകളില്‍ നിരന്തരം ഗുണഗണങ്ങള്‍ വാഴ്ത്തികൊണ്ടിരുന്നാലും തിയറ്ററുകളിലൂടെ കാശു തിരിച്ചുപിടിക്കാനാവില്ല. കാരണം കണ്ടവരെല്ലാം ഒന്നടങ്കം സിനിമയെ മറ്റുള്ളവരില്‍ നിന്ന് അകറ്റാന്‍ ആത്മാര്‍ത്ഥമായ് ശ്രമിക്കുന്നുണ്ട്. ഒന്നര വര്‍ഷത്തിലധികം പ്രേക്ഷകര്‍ ആകാംഷയോടെ കാത്തിരുന്ന ചിത്രമാണ് ഇരുട്ടടിനല്‍കിയത്.
ചിത്രീകരണത്തിനുവേണ്ടിയുള്ള കഷ്ടപ്പാടുകളുടെ കഥ വായിച്ചവരൊക്കെ വാപൊത്തിചിരിക്കുന്ന അവസ്ഥയായിപോയി.

കോണ്‍ഫിഡന്റ് ഗ്രൂപ്പിന് സിനിമ അറിയാത്തതും കയ്യില്‍ ചവറുപോലെ കാശുള്ളതും ഇത്രവലിയ ശാപമാകുമെന്ന് ആരും കരുതിയില്ല. റോഷന്‍ ആന്‍ഡ്രൂസ് ശക്തമായ് തിരിച്ചു വരേണ്ടിയിരിക്കുന്നു, പ്രേക്ഷകര്‍ക്ക് ഇനിയും നിങ്ങളില്‍ വിശ്വാസമുണ്ട്.

ആദ്യപേജില്‍
റോഷന്‍ ആന്‍ഡ്രൂസില്‍ ഇനിയും പ്രതീക്ഷയുണ്ട്