»   » മമ്മൂട്ടിയുടെ മദര്‍ഹുഡ് ആശുപത്രി ബാംഗ്ലൂരില്‍

മമ്മൂട്ടിയുടെ മദര്‍ഹുഡ് ആശുപത്രി ബാംഗ്ലൂരില്‍

Posted By:
Subscribe to Filmibeat Malayalam
Mammoootty
ബാംഗ്‌ളൂര്‍: ചലച്ചിത്രതാരം മമ്മൂട്ടിയുടെ ഉടമസ്ഥതയിലുള്ള 'മദര്‍ഹുഡ്' ഹൈടെക് ആശുപത്രി ബാംഗ്ലൂരിലെ ഇന്ദിരാനഗറില്‍ പ്രവര്‍ത്തനം തുടങ്ങി. കര്‍ണാടക ലോകായുക്ത ജസ്റ്റിസ് സന്തോഷം ഹെഗ്‌ഡെയാണ് ആശുപത്രിയുടെ ഉത്ഘാടനം നിര്‍വ്വഹിച്ചത്. ഇന്ദിരാനഗറിലെ സിഎംഎച്ച് റോഡിലാണ് ആശുപത്രി.

17 കോടിരൂപ മുടക്കി ആരംഭിച്ച ആശുപത്രിയില്‍ അത്യാധുനിക സൌകര്യങ്ങളെല്ലാം ഒരുക്കിയിട്ടുണ്ട്. 17 അത്യാധുനിക ഡീലക്‌സ് സ്വീറ്റുകള്‍, പത്ത് കിടക്കകളുള്ള എന്‍ഐസിയു അമ്മമാരുടെ സുരക്ഷയ്ക്കായി പ്രത്യേക ഐസിയു, രണ്ട് അള്‍ട്രാസേഫ് ഓപ്പറേഷന്‍ തിയേറ്ററുകള്‍, രണ്ട് ലേബര്‍ മുറികള്‍ എന്നിവ ഇതിലുണ്ട്.

റിയാ ഹെല്‍ത്ത് കെയര്‍ പ്രൈവറ്റ് ലിമിറ്റഡിന്റെ കീഴിലാണ് മദര്‍ഹുഡ് ആശുപത്രി ശൃംഖല സ്ഥാപിക്കുന്നത്. കമ്പനിയുടെ ചീഫ് മെന്ററാണ് മമ്മൂട്ടി. മകള്‍ സുറുമി സെയ്ദാണ് ചീഫ് ഓപ്പറേറ്റിംഗ് ഓഫീസര്‍. മരുമകന്‍ ഡോക്ടര്‍ മുഹമ്മദ് റെഹാന്‍ സെയ്ദ്, മകന്‍ ദുല്‍ഫീര്‍ സല്‍മാന്‍ എന്നിവര്‍ ഡയറക്ടര്‍മാരാണ്.

രണ്ടുവര്‍ഷത്തിനുള്ളില്‍ 75 കോടി ചെലവിട്ട് കൊച്ചി, ചെന്നൈ, കോയമ്പത്തൂര്‍ എന്നിവിടങ്ങളില്‍ സ്ഥാപിക്കുന്ന ' മദര്‍ഹുഡ്' ശൃംഖലയിലെ ആദ്യ ആശുപത്രിയാണിത്.

English summary
Mammootty's boutique hospital begins its service in Indiranagar at Bangalore. This is owned by his son, daughter-in-law and two other NRI investors.
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam