മുംബൈ പോലിസില്‍ നിന്ന് പൃഥിരാജ് ഔട്ട്?

റോഷന്‍ ആന്‍ഡ്രൂസ് സംവിധാനം ചെയ്യുന്ന ആക്ഷന്‍ ത്രില്ലറായ 'മുംബൈ പോലിസി'ല്‍ നിന്ന് പൃഥിരാജ് പുറത്തായേക്കും. ഒരു വര്‍ഷം മുമ്പ് കരാര്‍ ചെയ്ത ഈ ചിത്രത്തില്‍ അഭിനയിക്കാന്‍ പറ്റാത്ത വിധം തിരക്കിലായതുകൊണ്ട് പിന്‍മാറുന്നതിനെ കുറിച്ച് ചിന്തിക്കുന്നത്-പൃഥിയുമായി അടുത്ത ബന്ധമുള്ള കേന്ദ്രങ്ങള്‍ വ്യക്തമാക്കി.

കഴിഞ്ഞ ജൂണില്‍ ആരംഭിക്കേണ്ട ചിത്രീകരണം വൈകിയതാണ് യുവനടന്റെ ഷെഡ്യൂള്‍ തെറ്റിച്ചത്. റോഷന്‍ ആന്‍ഡ്രുസാവട്ടെ സൂപ്പര്‍ താരം മോഹന്‍ലാലിനെ വച്ച് കാസനോവ പൂര്‍ത്തീകരിക്കുന്ന തിരക്കിലായിരുന്നു. ലാലിന്റെ തിരക്കാണ് കാസനോവയുടെ ചിത്രീകരണം വൈകിപ്പിച്ചത്. ഓണത്തിനിറങ്ങുമെന്ന് കരുതിയിരുന്ന ചിത്രം ക്രിസ്തുമസിനാണെത്തുക.

പൃഥി ഇപ്പോള്‍ ജോണി ആന്റണിയുടെ മാസ്‌റ്റേഴ്‌സ് എന്ന സിനിമയുടെ ചിത്രീകരണവുമായി ബന്ധപ്പെട്ട് കോട്ടയത്താണുള്ളത്.
പൃഥി പിന്‍മാറുകയാണെങ്കില്‍ തമിഴ്‌നടന്‍ ആര്യയെ വെച്ച് സിനിമ ചെയ്യാനാണ് റോഷന്‍ ആന്‍ഡ്രൂസ് പദ്ധതിയിടുന്നത്.