Click it and Unblock the Notifications
സംസാരം പൃഥ്വിയുടെ വില്ലന്?
താല്ക്കാലികമായ് നിര്ത്തി പഠിക്കാന് പുറപ്പെടുന്നു എന്ന് കേള്ക്കുന്നു.
മലയാളസിനിമയില് ഇംഗ്ളീഷില് സംസാരിക്കാന് കഴിവുള്ള വരില് പ്രമുഖനെന്ന് സ്വന്തം ഭാര്യ സര്ട്ടിഫിക്കറ്റ് നല്കിയ രാജു ഭാര്യയുടെ നിര്ബന്ധത്തിനു വഴങ്ങിയാണ് പഠിക്കാന് പുറപ്പെടുന്നത് എന്നറിയുമ്പോള് ഇതുവരെയുള്ള പഠിപ്പൊന്നും എങ്ങുമെത്തിയില്ല എന്ന് തെളിയുന്നു.
മലയാളസിനിമയില് ഏറ്റവും കൂടുതല് ശത്രുക്കളുള്ള സുന്ദരനാണ് പൃഥ്വിരാജ് എന്ന താരം. തന്റേടമുള്ളവരേയും ,സ്വന്തമായ് അഭിപ്രായം പറയാന് കഴിയുന്നവരേയും സിനിമയ്ക്കുള്ളില് അത്രയ്ക്കങ്ങ് കൊണ്ടുനടക്കാന് ആരും തയ്യാറല്ല. മുഖസ്തുതി ,അതിശയോക്തി, തുടങ്ങിയ ഫീല്ഡിലുള്ള എക്സ്പീരിയന്സ് ധാരാളമുണ്ടെങ്കില് ആര്ക്കും ഇവിടെ പിടിച്ചുനില്ക്കാം. ഇതൊക്കെ ഇന്ഡസ്ട്രിയില് ടെക്നീഷ്യന്മാര്ക്കിടയിലെ ബഹുസ്വരതയുടെ ഭാഗം മാത്രം.പക്ഷേ താരങ്ങളുടെ പ്രവൃത്തി പഥം ഒന്ന് വേറെയാണ്. ഇവിടെ പ്രേക്ഷകരെന്ന ആള്ക്കൂട്ടമാണ് വിധിയെഴുത്തുകാര് .
ഏത് സൂപ്പര്താരമായാലും പൊതുഇടപെടലുകളില് അനിതര സാധാരണമായ മെയ് വഴക്കം കാത്ത് സൂക്ഷിച്ചില്ലെങ്കില് ജനം കേറി ഇടപെട്ടുകളയും.ഇന്നാണെങ്കില് വഴിയെ പോകുന്നവനും വായ്നോക്കികള്ക്കും ഒക്കെ വിളിച്ചു പറയാനുള്ള തട്ടകങ്ങള് നിരവധി. ഓര്ക്കുട്ട്, ഫെയ്സ്ബുക്ക്,ബ്ളോഗ്, ട്വിറ്റര് ഇങ്ങനെ ഒരു നൂറുകൂട്ടം ലൈസന്സ് ആവശ്യമില്ലാത്ത വേദികള് നിരനിരയായി കാത്തുകിടക്കുന്നു.
അടുത്ത പേജില്
Continue with Google