»   » സെവന്‍സില്‍ ലാലും; കൂടെ ഭാവന, ഭാമ, റീമ

സെവന്‍സില്‍ ലാലും; കൂടെ ഭാവന, ഭാമ, റീമ

Posted By:
Subscribe to Filmibeat Malayalam
Mohanlal
ട്വന്റി20, ക്രിസ്ത്യന്‍ ബ്രദേഴ്‌സ് മള്‍ട്ടിസ്റ്റാര്‍ മൂവികള്‍ക്ക് ശേഷം ഒരു ചേഞ്ച് വേണമെന്ന് തോന്നിയപ്പോഴാണ് യുവന്‍നടന്‍മാരെ വെച്ച് സെന്‍വസ് എന്നൊരു പ്രൊജക്ട് ജോഷി പ്ലാന്‍ ചെയ്തത്. കുഞ്ചാക്കോ ബോബന്‍, ആസിഫ് അലി, നിവിന്‍ പോളി, വിനീത് കുമാര്‍, രജിത് മേനോന്‍, വിജിഷ്, അജു വര്‍ഗീസ് എന്നിങ്ങനെ മലയാളത്തിലെ കൊള്ളാവുന്ന യുവതാരങ്ങളെയെല്ലാം സിനിമയിലുള്‍പ്പെടുത്തുകയും ചെയ്തു.

മലബാറിന്റെ ആവേശമായ സെവന്‍സ് ഫുട്‌ബോള്‍ മത്സരത്തിന്റെ പശ്ചാത്തലത്തില്‍ ഒരു ക്രൈം ത്രില്ലര്‍ ചിത്രമാണ് ജോഷിയുടെ മനസ്സിലുള്ളത്. യുവതാരങ്ങള്‍ക്കാണ് സിനിമയില്‍ പ്രാധാന്യമെങ്കിലും അവര്‍ക്കും മീതെ ഒരു സൂപ്പര്‍താരം ചിത്രത്തില്‍ ഉണ്ടെന്നാണ് പുതിയ റിപ്പോര്‍ട്ടുകള്‍.

വേറാരുമല്ല, ജോഷിയുടെ കഴിഞ്ഞ ചിത്രങ്ങളില്‍ നായകനായ സാക്ഷാല്‍ മോഹന്‍ലാല്‍ തന്നെയാണ് സെവന്‍സില്‍ ഗസ്റ്റ് റോളിലെത്തുന്നത്. സിനിമയുടെ കഥാഗതിയെ നിയന്ത്രിയ്ക്കുന്ന ഒരു കഥാപാത്രത്തെയായിരിക്കും ജോഷി ലാലിന് നല്‍കുകയെന്നാണ് സൂചനകള്‍. ലാലിനെ ഉടനെയൊന്നും കൈവിടാനുള്ള ഉദ്ദേശമില്ലെന്നാണ് ജോഷി ഇതിലൂടെ തെളിയിക്കുന്നത്.

യുവനായകന്‍മാര്‍ക്കൊത്ത ഒരുപിടി നായികമാരും സിനിമയിലുണ്ട്, റിമ കല്ലിങ്കല്‍, ഭാമ, ഭാവന നായികമാരുടെ നിര ഇങ്ങനെ നീളുകയാണ്. ഡോക്ടര്‍ ഇക്ബാല്‍ കുറ്റിപ്പുറം തിരക്കഥയൊരുക്കുന്ന ചിത്രത്തിന്റെ ഷൂട്ടിങ് ഏപ്രില്‍ 11ന് കണ്ണൂരില്‍ ആരംഭിയ്ക്കും.

English summary
Malayalam director Joshy, who is all excited about the good opening of his latest movie Christian Brothers, has reportedly announced his next project. Titled Sevens, the movie is being produced by Santhosh Pavithran and Sanjay Sebastian. According to sources, it will start rolling from 4th April.
Please Wait while comments are loading...

Malayalam Photos

Go to : More Photos