For Quick Alerts
    ALLOW NOTIFICATIONS  
    For Daily Alerts

    ദാസനും വിജയനും വീണ്ടും വരുമ്പോഴുള്ള റിസ്‌ക്ക്

    By Ajith Babu
    |
    <ul id="pagination-digg"><li class="previous"><a href="/news/18-dasanum-vijayanum-come-again-1-aid0032.html">« Previous</a>

    Sathyan Anthikkad
    നാടോടിക്കാറ്റിന് മൂന്നാംഭാഗമാലോചിച്ചപ്പോള്‍ വീരപ്പന്‍ വേട്ടയ്ക്കായി സിഐഡിമാരെ കാട്ടിലയക്കാനായിരുന്നു സത്യനും ശ്രീനിയും അന്ന് ആലോചിച്ചത്. അക്കാലത്തുണ്ടായിരുന്നു വീരപ്പന്‍ ട്രെന്‍ഡിനൊപ്പിച്ച് സിനിമ ചെയ്യാനായിരുന്നു പ്ലാന്‍. എന്നാല്‍ കഥ ശരിയാവാത്തതിനെ തുടര്‍ന്ന് അതുപേക്ഷിച്ചു. പിന്നീട് പ്രിയനും ശ്രീനിയും സിഐഡിമാരെ അമേരിക്കയിലേക്ക് കൊണ്ടുപോയാലോ എന്നാലോചിച്ചു. ഇതിന് സത്യന്‍ സമ്മതം മൂളി. അങ്ങനെ ദാസനും വിജയനും കടലിനക്കരെയെത്തിയും വിജയം കൊയ്തു.

    പിന്‍കാലത്ത് സിഐഡികളെ വീണ്ടും അവതരിപ്പിയ്ക്കാന്‍ പലപ്പോഴും ആലോചിച്ചിരുന്നെന്ന് സത്യന്‍ പറയുന്നു. അങ്ങനെയൊരു പ്രൊജക്ടിന് പ്രൊഡ്യൂസറെ കിട്ടാനും വിഷമമില്ല. എന്നാല്‍ ഈ ജനപ്രിയകഥാപാത്രങ്ങളെ വീണ്ടുംകൊണ്ടുവരുമ്പോള്‍ പലറിസ്‌ക്കുകളുണ്ടെന്നും കുടുംബപ്രേക്ഷകരുടെ സംവിധായകന്‍ പറയുന്നു.

    കഥാപാതങ്ങളുടെ ജനപ്രിയതയ്ക്ക് പുറമെ സിനിമയ്ക്ക് വ്യക്തമായൊരു കഥയും ഒരു പശ്ചാത്തലവും ഉണ്ടാവണം. പ്രേക്ഷകരുടെ മനസ്സില്‍ മൂന്ന് സിനിമകളും ഇപ്പോഴുമുണ്ട്. നാലാം ഭാഗം മറ്റു സിനിമകളെക്കാള്‍ മികച്ചുനിന്നാലെ നന്നാവൂ.

    അഞ്ച് വര്‍ഷം മുമ്പെ ലാലും ശ്രീനിയും താനും ഇതിന്റെ ആലോചനകള്‍ തുടങ്ങിയിരുന്നു. എന്നാല്‍ അന്നുകണ്ടതു പോലെ കഥാപാത്രങ്ങളെ ഇപ്പോള്‍ ലോഞ്ച് ചെയ്യാനാവില്ല. കാലം അവരുടെ രൂപത്തിലും ഭാവത്തിലും മാറ്റങ്ങള്‍ വരുത്തിയിരിക്കുന്നു. അതുകൊണ്ട് ലാലിനും ശ്രീനിയ്ക്കും അനുയോജ്യമായ തരത്തിലാവണം കഥാപാത്രങ്ങളും സന്ദര്‍ഭങ്ങളും ഒരുക്കേണ്ടത്.

    ശ്രീനിയും ഞാനും ഏറെ ദിവസം ഒരുമിച്ചിരുന്നാല്‍ മാത്രമേ സിനിമയുടെ കഥ ശരിയാവുകയുള്ളൂ. എന്തായാലും ഈ പ്രൊജക്ട് വേണ്ടെന്നുവച്ചിട്ടില്ല. സാഹചര്യവും സന്ദര്‍ഭവും ഒത്തുവന്നാല്‍ നാടോടിക്കാറ്റിന്റെ നാലാംഭാഗം യാഥാര്‍ഥ്യമാവുമെന്ന് സത്യന്‍ വെളിപ്പെടുത്തുന്നു. സിനിമകളുടെ തുടരനുകള്‍ സൃഷ്ടിയ്ക്കുമ്പോഴുണ്ടാകുന്ന പ്രയാസങ്ങളെപ്പറ്റിയും സത്യന്‍ അന്തിക്കാട് ഈ അഭിമുഖത്തില്‍ വിശദീകരിയ്ക്കുന്നുണ്ട്.

    മുന്‍പേജില്‍

    നാടോടിക്കാറ്റിനൊരു നാലാംഭാഗംപ്രതീക്ഷിക്കാം

    <ul id="pagination-digg"><li class="previous"><a href="/news/18-dasanum-vijayanum-come-again-1-aid0032.html">« Previous</a>

    English summary
    When the names Mohanlal and Sreenivasan are spoken in unison, the first images that come to the mind of a Malayalam film lover are the scenes from the film “Nadodikattu”. In the genre of comedy films, no two characters have given us funnier moments than Ramdas and Vijayan.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X