Don't Miss!
- Automobiles ഒരു ഇന്നോവയ്ക്കും തരാൻ പറ്റാത്ത യാത്രാസുഖം, പ്രേമലു നായകന്റെ 'സൂപ്പർബ് കാർ' തിരിച്ചുവരുന്നു
- News ആദ്യമായി വോട്ട് ചെയ്യുകയാണോ? രീതികൾ അറിയില്ലേ, ആശങ്കവേണ്ട; അറിയേണ്ടതെല്ലാം ഇതാ
- Lifestyle ആഗ്രഹങ്ങളും ലക്ഷ്യങ്ങളും സാധിക്കും; ഈ സൂര്യ ഗ്രഹണം അതിനുള്ള അപൂര്വ്വ അവസരം
- Technology കൈയിലെ ചെറുവിരലിന് ഒരു വളവ് ഉണ്ടോ എന്ന് നോക്കൂ! ഭയപ്പെടുത്തി 'ഐഫോൺ ഫിംഗർ', വീഡിയോ ഇതാ
- Finance എസ്ബിഐ അടക്കം മൂന്ന് ഓഹരികൾ വാങ്ങാം, നേട്ടം 25% വരെയാണ്, കൂടെക്കൂട്ടുന്നോ...
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
മമ്മൂട്ടി വെറും ഭീരുവല്ല; തിലകനെതിരെ മോഹന്ലാല്
സംഘടനാപരമായ കാര്യങ്ങള് വ്യക്തിവൈരാഗ്യത്തിന്റെ തലത്തിലേക്ക് വളര്ത്തിയ തിലകന് മമ്മൂട്ടിയെ അധിക്ഷേപിച്ചത് ശരിയായില്ലെന്ന് മോഹന്ലാല് പറഞ്ഞു. ഇതെന്നെ വല്ലാതെ വേദനിപ്പിച്ചു. തിലകന് അച്ചടക്ക ലംഘനത്തിന് നോട്ടീസ് നല്കിയത് മമ്മൂട്ടിയുടെ ആവശ്യപ്രകാരമില്ല. സംഘടനയ്ക്കുള്ളില് മമ്മൂട്ടിയും മോഹന്ലാലും തിലകനുമെല്ലാം തുല്യരാണ്. പക്ഷേ മമ്മൂട്ടിയെ മാത്രം ലക്ഷ്യമിട്ട് അമ്മയുടെ കൂട്ടായ്മ തകര്ക്കാനാണ് ഇപ്പോള് തിലകന് ശ്രമിച്ചു കൊണ്ടിരിയക്കുന്നത്. അതിന് ജാതീയമായ ആരോപണങ്ങള് പോലും തിലകന് ഉന്നയിക്കുന്നു. മുമ്പ് അദ്ദേഹം നെടുമുടി വേണുവിനെക്കുറിച്ച് ഇത്തരത്തില് സംസാരിച്ചിരുന്നു.
തിലകന് വലിയ നടനാണ്. അത് തര്ക്കമില്ലാത്ത കാര്യവുമാണ്. അമ്മയും ഫെഫ്കയുമായി ബന്ധപ്പെട്ട് തിലകന് അഭിപ്രായ വ്യത്യാസമുണ്ടാകാം. എന്നാല് അതൊന്നും മമ്മൂട്ടി എന്ന നടനെക്കുറിച്ച് അധിക്ഷേപിക്കുന്ന രീതിയിലേക്ക് വരരുതായിരുന്നതായിരുന്നു. ആദ്യം മമ്മൂട്ടിയെ പേര് പറയാതെ എതിര്ത്ത തിലകന് ഇപ്പോള് അദ്ദേഹത്തെ പേരെടുത്ത് ചീത്ത പറയുന്നു. അമ്മയും മമ്മൂട്ടിയും അതിനോട് പ്രതികരിയ്ക്കാതിരുന്നത് ഭീരുത്വമായി കാണരുത്. മുതിര്ന്ന ഒരു നടനോട് കാണിയ്ക്കേണ്ട ബഹുമാനം മാത്രമായി അതിനെ കണ്ടാല് മതി. മലയാള സിനിമയിലെ ഓരോരുത്തരും ഒരിക്കലെങ്കിലും മമ്മൂട്ടി എന്ന മനുഷ്യന്റെ നന്മ അനുഭവിച്ചവരാണ്.
തിലകന് മമ്മൂട്ടിയുമായി ചേര്ന്നാണ് ഏറ്റവും ഒടുവില് ഒരു സിനിമയില് അഭിനയിച്ചത്. പിന്നീട് പെട്ടെന്നുള്ള ഈ അഭിപ്രായവ്യത്യാസത്തിന് കാരണം എത്ര ആലോചിച്ചിട്ടും പിടികിട്ടുന്നില്ല. ഞങ്ങളൊടൊപ്പം ഒരുപാട് സിനിമകളില് അഭിനയിച്ചയാളാണ് തിലകന്. തിലകന്റെ റോള് തട്ടിപ്പറിയ്ക്കാന് വേണ്ടി മാത്രം ചെറുതാണ് മമ്മൂട്ടിയെന്ന് കേരളം വിശ്വസിയ്ക്കില്ല.
ഒരുപാട് ആരാധകരുള്ള നടനാണ് മമ്മൂട്ടി. അദ്ദേഹത്തെക്കുറിച്ച് നടത്തിയ മോശമായ പരാമര്ശങ്ങള് ആരാധകരെ വേദനിപ്പിച്ചിട്ടുണ്ടാകാം. അത് സ്വാഭാവികമാണ്. അമ്മയെ മാഫിയ സംഘം എന്ന് ഒരിക്കല് തിലകന് വിശേഷിപ്പിക്കുകയുണ്ടായി. ഒരു മുതിര്ന്ന അംഗത്തിന് ചേര്ന്ന പരാമര്ശമല്ലിത്. അമ്മ എന്ന സംഘടനയിലെ മുഴുവന് അംഗങ്ങളും മമ്മൂട്ടിക്ക് പിന്നിലുണ്ട്. അദ്ദേഹത്തെ ഒറ്റപ്പെടുത്താനുള്ള ശ്രമം അനുവദിക്കില്ലെന്നും ലാല് പറഞ്ഞു.