അതിര്‍ത്തി സംരക്ഷകനായി മേജര്‍ മഹാദേവന്‍, 1971ബിയോണ്ട് ദി ബോര്‍ഡര്‍ ഫസ്റ്റ് ലുക്ക് പോസ്റ്റര്‍ കാണാം

മേജര്‍ മഹാദേവനും സംഘവും വീണ്ടുമെത്തുന്നു

ഒരേസമയം മലയാളത്തിലും തെലുങ്കിലുമായി ചിത്രീകരിക്കുന്ന സിനിമയുടെ സംവിധായകന്‍ മേജര്‍ രവിയാണ്. കീര്‍ത്തി ചക്ര, കാണ്ഡഹാര്‍ എന്നീ ചിത്രങ്ങള്‍ക്കു ശേഷം മോഹന്‍ലാല്‍ വീണ്ടും മേജര്‍ മഹാദേവനായി എത്തുന്ന ചിത്രം കൂടിയാണിത്.

ചിത്രത്തില്‍ അല്ലു അര്‍ജുന്‍റെ സഹോദരനും

ചിത്രത്തില്‍ ആര്‍മി കമാന്‍ഡറുടെ വേഷത്തില്‍ അല്ലു അര്‍ജുന്‍റെ സഹോദരനായ അല്ലു സിരിഷും വേഷമിടുന്നുണ്ട്. ആദ്യമായാണ് അല്ലു സിരിഷ് ഒരു മലയാള സിനിമയില്‍ വേഷമിടുന്നത്.

ബിയോണ്ട് ദി ബോര്‍ഡര്‍ ഫസ്റ്റ് ലുക്ക് പോസ്റ്റര്‍

അതിര്‍ത്തിയിലെ പോരാട്ടത്തിനിടെ തോക്കേന്തി നില്‍ക്കുന്ന മഹാദേവന്റെ ഫസ്റ്റ് ലുക്ക് പോസ്റ്ററാണ് പുറത്തുവിട്ടിട്ടുള്ളത്. രണ്ട് കാലഘട്ടങ്ങളില്‍ നടന്ന കഥയാണ് ചിത്രം പറയുന്നത്.

യഥാര്‍ത്ഥ സംഭവങ്ങളെ ആസ്പദമാക്കി

1971 ലെ ഇന്ത്യാ- പാക് യുദ്ധകാലത്ത് നടന്ന യഥാര്‍ത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. രാജസ്ഥാന്‍, കാശ്മീര്‍ എന്നിവിടങ്ങളിലാണ് കൂടുതല്‍ ഭാഗവും ഷൂട്ട് ചെയ്തിട്ടുള്ളത്.