അണ്‍ലക്കി ലക്ഷ്മി-ശിക്കാറില്‍ സ്‌നേഹ

By Ajith Babu

| Published: Thursday, May 20, 2010, 13:22 [IST]

ശിക്കാറില്‍ മോഹന്‍ലാലിന്റെ നായികയാവാനുള്ള ലക്ഷ്മിയുടെ മോഹങ്ങള്‍ പൊലിഞ്ഞു. ചിത്രത്തില്‍ മോഹന്‍ലാലിന്റെ ഭാര്യയുടെ റോളിലേക്ക് ലക്ഷ്മി റായിയെ നിശ്ചയിച്ചെങ്കിലും ഡേറ്റില്ലാത്തതിനാല്‍ അവര്‍ക്ക് സിനിമയില്‍ നിന്നും പിന്‍മാറേണ്ടി വരികയായിരുന്നു. എന്നാല്‍ അവസാന നിമിഷത്തിലുണ്ടായ ഈ പിന്‍മാറ്റം നേട്ടമായത് തെന്നിന്ത്യന്‍ സുന്ദരി സ്‌നേഹയ്ക്കാണ്.

ഇതാദ്യമായാണ് ലാലിന്റെ നായികയാവാനുള്ള ഭാഗ്യം സ്‌നേഹയെ തേടിയെത്തുന്നത്. മമ്മൂട്ടിയുടെ നായികയായി മൂന്ന് സിനിമകളില്‍ അഭിനയിക്കാന്‍ കഴിഞ്ഞെങ്കിലും ഒരിയ്ക്കല്‍പോലും ലാല്‍ സിനിമകളിലേക്ക് സ്‌നേഹ കാസ്റ്റ് ചെയ്യപ്പെട്ടിരുന്നില്ല.

ഹൈദരാബാദിലെ റാമോജി ഫിലിം സിറ്റിയിലെ ശിക്കാര്‍ ലൊക്കേഷനില്‍ ജൂണ്‍ മൂന്നിന് സ്‌നേഹ ജോയിന്‍ ചെയ്യുമെന്നാണ് അറിയുന്നത്. ലാല്‍ അവതരിപ്പിയ്ക്കുന്ന ബലരാമന്റെ ഭാര്യയുടെ വേഷമാണ് സ്‌നേഹ അവതരിപ്പിയ്ക്കുന്നത്.