മമ്മുട്ടി റോഷന്‍ ആന്‍ഡ്രൂസിനു പിറകെ?

മലയാള സിനിമയില്‍ പതിറ്റാണ്ടുകളായി ഇളക്കം തട്ടാത്ത രണ്ടു ബിംബങ്ങളാണ് മമ്മുട്ടിയും മോഹന്‍ലാലും. ഇവര്‍ തമ്മിലുള്ള സൗന്ദര്യമല്‍സരത്തിനും അത്ര തന്നെ പഴക്കമുണ്ട്. മോഹന്‍ലാലിനെ വെച്ച് കാസനോവ ചെയ്ത റോഷന്‍ ആന്‍ഡ്രൂസിനെ കൊണ്ട് ഒരു പൊളിറ്റിക്കല്‍ ത്രില്ലര്‍ ചെയ്യിക്കാനാണ് മമ്മുട്ടിയുടെ പരിപാടി.

അടുത്തിടെ പുറത്തിറങ്ങിയ ചില ചിത്രങ്ങള്‍ വേണ്ടത്ര വിജയിക്കാത്തതിനാലാണ് ഇത്തരമൊരു നീക്കമെന്നറിയുന്നു. ചിത്രത്തെ കുറിച്ച് കൂടുതല്‍ വിവരങ്ങള്‍ പുറത്തുവിട്ടിട്ടില്ല. ട്രാഫിക്കിന്റെ തിരക്കഥാ കൃത്തുകളായ ബോബി-സഞ്ജയ് കൂട്ടുകെട്ടായിരിക്കും മമ്മുട്ടിക്കുവേണ്ടി കഥയെഴുതുക.

മമ്മുട്ടിയെ സൂപ്പര്‍സ്റ്റാര്‍ പദവിയിലേക്കുയര്‍ത്തിയ ആദ്യകാല കഥാപാത്രങ്ങള്‍ക്കു സമാനമായ റോളുകളില്‍ അഭിനയിക്കാനാണ് മോഹന്‍ലാല്‍ ഇപ്പോള്‍ ഇഷ്ടപ്പെടുന്നത്. മമ്മുട്ടിയാവട്ടെ നേരെ തിരിച്ചും. ഇത്തരം താല്‍പ്പര്യങ്ങള്‍ സംരക്ഷിക്കാന്‍ ഇരുവര്‍ക്കും സ്വന്തം നിര്‍മാതാക്കളുണ്ട്. മമ്മുട്ടിക്കുവേണ്ടി എസ് ജോര്‍ജും മോഹന്‍ലാലിനുവേണ്ടി ആന്റണി പെരുമ്പാവൂരും സിനിമ പിടിക്കും.