ജയസൂര്യയുടെ നാലു മുഖങ്ങളുമായി നല്ലവന്‍

By Ajith Babu

| Published: Tuesday, May 25, 2010, 14:40 [IST]

ജയസൂര്യ നാല് വ്യത്യസ്ത ഗെറ്റപ്പില്‍ പ്രത്യക്ഷപ്പെടുന്ന നല്ലവന്‍ തിയറ്ററുകളിലേക്ക്. ജൂണ്‍ രണ്ടാം വാരം റിലീസ് ചെയ്യുന്ന നല്ലവന്‍ താരത്തിന്റെ ഇമേജ് തന്നെ മാറ്റിമറിയ്ക്കുമെന്നാണ് കരുതപ്പെടുന്നത്. ചിത്രത്തില്‍ മൂന്ന് വ്യത്യസ്ത പ്രായത്തിലുള്ള വേഷങ്ങളും ജയസൂര്യ കൈകാര്യം ചെയ്യന്നുണ്ട്.

നവാഗത സംവിധായകന്‍ അജി ജോണ്‍ ഒരുക്കുന്ന ചിത്രത്തിന് വേണ്ടി മുഴുവന്‍ തലമുടി മുണ്ഡനം ചെയ്യാനും താരം തയ്യാറായിരുന്നു.

ജയസൂര്യയുടെ മുഴുവന്‍ കഴിവുകളും ചൂഷണം ചെയ്യുന്ന രീതിയിലുള്ള ഒരു കഥാപാതമാണ് നല്ലവനിലേത്. ഒരു താരമെന്ന് നിലയില്‍ ഒറ്റയ്ക്ക് സിനിമ വിജയിപ്പിയ്ക്കാനുള്ള ജയസൂര്യയുടെ മികവും ചിത്രത്തില്‍ വിലയിരുത്തപ്പെട്ടേക്കും.

മാണിക്യം മൈഥിലിയാണ് നല്ലവനിലെ നായികയായി അഭിനയിക്കുന്നത്. 129 മിനിറ്റ് ദൈര്‍ഘ്യമുള്ള ചിത്രത്തിന്റെ തിരക്കഥ രചിച്ചിരിയ്ക്കുന്നത് അജിത്താണ്.