ലാലിനെ കാണാന്‍ കടമ്പകളേറെ: രഞ്ജിത്ത്

മോഹന്‍ലാല്‍ ചെയ്താല്‍ മാത്രമേ ഒരു കഥാപാത്രം നന്നാവൂ എന്ന അവസ്ഥയുണ്ടെങ്കില്‍ താന്‍ വീണ്ടും അദ്ദേഹത്തെ വച്ച് ചിത്രമെടുക്കുമെന്ന് സംവിധായകനും തിരക്കഥാകൃത്തുമായ രഞ്ജിത്ത്. അതേസമയം ഒരു കഥയുമായി ചെന്ന് മോഹന്‍ലാലിനെ കാണുകയെന്നത് ഏറെ ബുദ്ധിമുട്ടുള്ള കാര്യമാണെന്നും അദ്ദേഹത്തിന് ചുറ്റും ആളുകള്‍ വന്‍മതില്‍പോലെനില്‍ക്കുകയാണെന്നും രഞ്ജിത്ത് പറഞ്ഞു.

മാതൃഭൂമിയ്ക്ക് നല്‍കിയ അഭിമുഖത്തിലാണ് ലാലിനെ നായകനാക്കുന്നതിലുള്ള കടമ്പകളെക്കുറിച്ച് രഞ്ജിത്ത് പറഞ്ഞത്. മംഗലശേരി നീലകണ്ഠന്‍, ഇന്ദുചൂഢന്‍, ജഗന്നാഥന്‍, കാര്‍ത്തികേയന്‍ എന്നിങ്ങനെ ലാല്‍-രഞ്ജിത് കൂട്ടുകെട്ടില്‍ ഒട്ടേറെ സൂപ്പര്‍ കഥാപാത്രങ്ങള്‍ ഉണ്ടായിട്ടുണ്ട്. എന്നാല്‍ റോക്ക് ന്‍ റോള്‍ എന്ന ചിത്രത്തിന് ശേഷം ഇരുവരും ഒന്നിച്ചിട്ടില്ല.

മോഹന്‍ലാലും-രഞ്ജിത്തും ഇനിയും ഒന്നിക്കില്ലേയെന്ന ചോദ്യത്തിന് ഉത്തരം പറയുമ്പോഴാണ് ലാലിന്റെ കൂടെയുള്ളവരുടെ ഇടപെടലിനെക്കുറിച്ച് രഞ്ജിത് വീണ്ടും പറഞ്ഞത്.

സദാ കൂടെയുണ്ടാവുന്നവരുടെ ഇടപെടല്‍ കാരണം ഒരു കഥയുമായി മോഹന്‍ലാലിനെ സമീപിക്കുക എളുപ്പമല്ലെന്ന് ഞാന്‍ മുമ്പ് പറഞ്ഞിരുന്നു. ആ പ്രശ്‌നം ഇപ്പോഴുമുണ്ട്. എത്രയോ വര്‍ഷങ്ങളായി പരിചയമുള്ള വ്യക്തി എന്ന നിലയ്ക്ക്, മോഹന്‍ലാലിന്റെ ചുറ്റുമുള്ളവരെ ഗൗനിക്കേണ്ട കാര്യം എനിക്കില്ല. പക്ഷേ, പലപ്പോഴും അവര്‍ അലോസരം സൃഷ്ടിക്കാറുണ്ട് എന്നതാണ് അനുഭവം. നേരെമറിച്ച്, മമ്മൂട്ടിയുടെ അടുത്ത് എനിക്കാ പ്രശ്‌നങ്ങളില്ല- രഞ്ജിത്ത് പറഞ്ഞു.

അടുത്ത പേജില്‍