»   » ഒടുക്കം നയന്‍സ്‌ ബോഡിഗാര്‍ഡ് തീര്‍ത്തു

ഒടുക്കം നയന്‍സ്‌ ബോഡിഗാര്‍ഡ് തീര്‍ത്തു

Subscribe to Filmibeat Malayalam
Nayan Thara
ഒടുവില്‍ നയന്‍സ്‌ ബോഡിഗാര്‍ഡിന്റെ ലൊക്കേഷനോട്‌ വിടപറഞ്ഞു. പത്തു മാസം ദീര്‍ഘിച്ച ചിത്രീകരണത്തിന്‌ ശേഷമാണ്‌ നയന്‍സ്‌ സിദ്ദിഖ്‌ ചിത്രം അഭിനയിച്ചു തീര്‍ത്തത്‌. 2008ലെ വിഷു ചിത്രമായി പ്രഖ്യാപിച്ച്‌ കഴിഞ്ഞ ഡിസംബറിലാണ്‌ ബോഡിഗാര്‍ഡിന്റെ ഷൂട്ടിങ്‌ ആരംഭിച്ചത്‌. എന്നാല്‍ പലവിധ കാരണങ്ങള്‍ കൊണ്ട്‌ ബോഡിഗാര്‍ഡിന്റെ ഷൂട്ടിങ്‌ നീണ്ടു പോവുകയായിരുന്നു. പലപ്പോഴും നയന്‍സിന്റെ തിരക്കായിരുന്നു ഷൂട്ടിങ്‌ ദീര്‍ഘിപ്പിച്ചത്‌.

മൂന്നാറിലെ ടാറ്റ ടീയുടെ ഗോള്‍ഫ്‌ ക്ലബില്‍ ചിത്രീകരിച്ച ഗാനരംഗത്തോടെയാണ്‌ നയന്‍സിന്റെ റോള്‍ പൂര്‍ത്തിയായത്‌. നായകനായ ദിലീപും ഒട്ടേറെ ജൂനിയര്‍ ആര്‍ട്ടിസ്‌റ്റുകളും ഈ ഗാനചിത്രീകരണത്തില്‍ പങ്കെടുത്തു. കോളെജില്‍ നിന്നും വിനോദയാത്രക്കെത്തുന്ന രീതിയിലാണ്‌ ഇവിടത്തെ രംഗങ്ങള്‍ സിദ്ദിഖ്‌ ആവിഷ്‌ക്കരിച്ചത്‌.

ദാറ്റ്സ് മലയാളം സിനിമാ ഗാലറി കാണാം


ഔസേപ്പച്ചന്‍ സംഗീതം നല്‍കിയ ഈ ഗാനത്തിന്‌ ചുവടുകളൊരുക്കിയത്‌ പ്രശസ്‌ത കൊറിയോഗ്രാഫറായ വൃന്ദയുടെ സഹായിയായിരുന്ന പോപ്പിയാണ്‌. സിനിമയിലെ മറ്റൊരു ഗാനത്തിന്‌ കൊറിയോഗ്രാഫി നിര്‍വഹിച്ചത്‌ ഇന്ത്യന്‍ മൈക്കല്‍ ജാക്‌സന്‍ എന്ന്‌ വിശേഷിപ്പിയ്‌ക്കപ്പെടുന്ന പ്രഭുദേവയാണ്‌. ദിലീപിനും സിദ്ദിഖിനൊപ്പമുള്ള ബോഡിഗാര്‍ഡിന്റെ ഷൂട്ടിങ്‌ രസകരമായിരുന്നുവെന്ന്‌ നയന്‍സ്‌ പറയുന്നു.

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam