അമ്മയുടെ നീക്കത്തില്‍ സംശയം: തിലകന്‍

താനുമായുള്ള പ്രശ്‌നം രമ്യമായി പരിഹരിക്കുമെന്ന മമ്മൂട്ടിയുടെ പ്രസ്താവന വ്യക്തമല്ലെന്ന് തിലകന്‍. മമ്മൂട്ടി പറഞ്ഞതെന്താണെന്ന് മനസ്സിലാക്കിയശേഷം ഇക്കാര്യത്തില്‍ പ്രതികരിക്കാമെന്നും തിലകന്‍ പറഞ്ഞു.

ഏത് രീതിയിലാണ് പ്രശ്‌നം പരിഹരിക്കുകയെന്ന് മമ്മൂട്ടി വ്യക്തമാക്കിയിട്ടില്ല. മാര്‍ച്ച് ഒന്നിന് 'അമ്മ'യുടെ മുമ്പാകെ ഹാജരാകണമെന്ന് ആവശ്യപ്പെട്ടിട്ടുണ്ട്. എന്നാല്‍ ഇതൊരു കെണിയാണെന്നാണ് ഞാന്‍ സംശയിക്കുന്നത്.

പുറത്താക്കാന്‍ നേരത്തെ തീരുമാനിച്ചതിന് ശേഷമാണ് അമ്മ എന്നോട് ഹാജരാകാന്‍ ആവശ്യപ്പെട്ടിരിക്കുന്നതെന്ന് സംശയമുണ്ട്. എന്റെ ജീവന്‍ അപകടത്തിലാക്കാന്‍ പോലും ശ്രമം നടക്കുന്നുണ്ട്- തിലകന്‍ പറഞ്ഞു.