Click it and Unblock the Notifications
ജോണ് ജാഫര് ജനാര്ദ്ദനന് വീണ്ടും
നടന് ജഗദീഷ് ആദ്യമായി സംവിധാനം ചെയ്യുന്ന ചിത്രത്തിനാണ് ജോണ് ജാഫര് ജനാര്ദ്ദനന് എന്ന് പേരിട്ടിരിയ്ക്കുന്നത്. ജഗദീഷ് തന്നെ തിരക്കഥയൊരുക്കുന്ന ചിത്രത്തില് നായകനായെത്തുന്നത് മമ്മൂട്ടിയാണ്. ഒരേ പേരിലുള്ള രണ്ട് സിനിമകളില് അഭിനയിക്കാനുള്ള അപൂര്വമായൊരു ഭാഗ്യമാണ് മമ്മൂട്ടിയ്ക്ക് ഇതോടെ കൈവരുന്നത്.
കോമഡിയും ആക്ഷനും ഒരുപോലെ ചേര്ത്തൊരുക്കുന്ന ചിത്രം ഒരു നായകന്റെ മൂന്ന് വ്യത്യസ്ത മുഖങ്ങളുടെ കഥയാണ് പറയുന്നത്. കൃഷ്ണ പൂജപ്പുര സംഭാഷണം രചിയ്ക്കുന്ന സിനിമ നിര്മ്മിയ്ക്കുന്ന് അജയചന്ദ്രന് നായര്.
കഥ-തിരക്കഥ-സംഭാഷണം തുടങ്ങിയ മേഖലകളില് മുമ്പും പ്രഗാല്ഭ്യം തെളിയിച്ച ജഗദീഷ് ആദ്യമായി സംവിധാനം ചെയ്യുന്ന ചിത്രത്തിന്റെ ഷൂട്ടിങ് 2010 മാര്ച്ചില് ആരംഭിയ്ക്കുമെന്നാണ് അറിയുന്നത്. ജഗദീഷും മമ്മൂട്ടിയും പുതിയ കോമ്പിനേഷനില് വീണ്ടും ഒന്നിയ്ക്കുമ്പോള് പ്രേക്ഷക പ്രതീക്ഷകള് പുതിയ ഉയരങ്ങളിലെത്തുമെന്ന കാര്യമുറപ്പാണ്.
Continue with Google