നിരൂപണങ്ങള്‍ കാസനോവയ്ക്ക് തിരിച്ചടിയാവും

കാസനോവയുടെ മാര്‍ക്കറ്റിങ് തന്ത്രങ്ങള്‍ക്ക് പിന്തുണ നല്‍കിയ മാധ്യമങ്ങള്‍ സിനിമ തിയറ്ററുകളിലെത്തിയ ശേഷം നിലപാട് മാറ്റുന്ന കാഴ്ചയാണ് ഇപ്പോള്‍ കാണാന്‍ കഴിയുന്നത്. മലയാളത്തിലെ ഏറ്റവും ചെലവേറിയ ചിത്രമെന്ന പരസ്യവാചകം ഏറ്റുപിടിച്ച വമ്പന്‍ പ്രചാരണങ്ങളാണ് മാധ്യമങ്ങളിലൂടെ ഇതുവരെ നടന്നിരുന്നത്. ഇത് സിനിമയ്ക്ക് വലിയ ഗുണവും ചെയ്തിരുന്നു.

എന്നാല്‍ റിലീസിന് ശേഷം സിനിമാ വെബ്‌സൈറ്റുകളും ബ്ലോഗുകളുമെല്ലാം കാസനോവയെ രൂക്ഷമായാണ് വിമര്‍ശിച്ചിരിയ്ക്കുന്നത്. ശരാശരിയ്ക്കും താഴെ മാര്‍ക്കിടുന്ന നിരൂപണങ്ങള്‍ മൗത്ത് പബ്ലിസിറ്റിയ്ക്കും വലിയ തിരിച്ചടിയായി മാറിക്കഴിഞ്ഞുവെന്നാണ് വിലയിരുത്തലുകള്‍.

പത്രങ്ങളും ചാനലുകളും വന്ന നിരൂപണങ്ങളും കാസനോവയോട് മമത കാട്ടുന്നില്ല. സിനിമയുടെ ടെക്‌നിക്ക് പെര്‍ഫെക്ഷനെ പുകഴ്ത്തുമ്പോള്‍ തന്നെ തിരക്കഥയിലെ പാളിച്ചകളും സിനിമയിലുണ്ടെന്ന് പറയപ്പെടുന്ന സ്ത്രീ വിരുദ്ധതയും നിരൂപകര്‍ സജീവമായി ചര്‍ച്ച ചെയ്യുന്നുണ്ട്.

എന്തായാലും ഈ നെഗറ്റീവ് പബ്ലിസിറ്റി തിങ്കളാഴ്ച മുതില്‍ കാസനോവ പ്രദര്‍ശിപ്പിയ്ക്കുന്ന തിയറ്ററുകളില്‍ പ്രതിഫലിയ്ക്കുന്നുണ്ടെന്നാണ് റിപ്പോര്‍ട്ട്. അഭിപ്രായങ്ങളും നിരൂപണങ്ങളും കേട്ട് പ്രേക്ഷകര്‍ തിയറ്ററുകളില്‍ നിന്ന് അകന്നുനില്‍ക്കുന്നത് സിനിമയ്ക്ക് തിരിച്ചടിയാവുമെന്ന കാര്യത്തില്‍ സംശയം വേണ്ട..
അടുത്ത പേജില്‍