ബാഹുബലിയെ മലര്‍ത്തിയടിച്ച് ദംഗല്‍, ഈ റെക്കോര്‍ഡ് ആമിറിന് മാത്രം!!! ആയിരം കോടിയിലേക്ക്!!!

ബാഹുബലി ആഗോള തലത്തില്‍ 9000 തിയറ്ററുകളില്‍ റിലീസ് ചെയ്തപ്പോള്‍ ചൈനയില്‍ മാത്രം 6000 തിയറ്ററുകളിലാണ് ചിത്രം റിലീസ് ചെയ്തത്. ഒരു ഇന്ത്യന്‍ ചിത്രം ആദ്യമായാണ് ചൈനയില്‍ ഇത്രയധികം തിയറ്ററില്‍ റിലീസ് ചെയ്യുന്നത്.

മെയ് അഞ്ചിന് ചൈനയില്‍ റിലീസ് ചെയ്ത ചിത്രം അഞ്ച് ദിവസം കൊണ്ട് നേടിയത് 150 കോടിയോളമാണ്. ഇന്ത്യയ്ക്ക് പുറത്ത് ഒരു ചിത്രം കുറഞ്ഞ ദിനം കൊണ്ട് ഇത്രയധികം കളക്ഷന്‍ നേടുന്നതും ആദ്യം.

ഇന്ത്യയില്‍ ഏറ്റവും കൂടുതല്‍ കളക്ഷന്‍ നേടിയ ചിത്രം ഇതുവരെ ആമിര്‍ ഖാന്റെ പികെ ആയിരുന്നു. 743 കോടി പികെ നേടിയപ്പോള്‍ തൊട്ടുപിന്നില്‍ ഉണ്ടായിരുന്നതും ആമിര്‍ തന്നെ 718 കോടി നേടിയ ദംഗലുമായി.

ഈ കുതിപ്പ് ദംഗലിന് നിലനിര്‍ത്താനായാല്‍ ബാഹുബലിക്ക് പിന്നാലെ 1000 കോടി എന്ന സ്വപന് സംഖ്യയിലേക്ക് ദംഗലും എത്തും. നിലവില്‍ 868 കോടി പിന്നിട്ടുകഴിഞ്ഞു ചിത്രത്തിന്റെ കളക്ഷന്‍.

പികെ എന്ന ചിത്രത്തിന് ചൈനയില്‍ ലഭിച്ച സ്വീകരണമാണ് ഇത്രയും വലിയ റിലീസ് ചൈനയിലൊരുക്കാന്‍ ദംഗലിന്റെ അണിയറ പ്രവര്‍ത്തകരെ പ്രേരിപ്പിച്ചത്. 4000 തിയറ്ററുകളില്‍ റിലീസ് ചെയ്ത പികെ 100 കോടി കളക്ഷന്‍ നേടിയിരുന്നു.

1000 കോടി എന്ന സ്വപ്‌ന നേട്ടം കരസ്ഥമാക്കി ബോക്‌സോഫീസില്‍ ഒന്നാം സ്ഥാനം ബാഹുബലി സ്വന്തമാക്കിയപ്പോള്‍. രണ്ടാസ്ഥാനവും മൂന്നാം സ്ഥാനവും ആമിര്‍ നേടി. രണ്ടാം സ്ഥാനത്തുള്ള പികെയെ മറികടന്ന് ദംഗല്‍ രണ്ടാമതായി.

1000 കോടി എന്ന സ്വപ്‌ന സംഖ്യയെ പത്ത് ദിവസം കൊണ്ട് മറികടന്ന ഹബാഹുബലി ദ കണ്‍ക്ലൂഷന്‍ നിലവില്‍ 1200 കോടി പിന്നിട്ടിരിക്കുകയാണ്. യുഎസ് ബോക്‌സ് ഓഫീസില്‍ ഹോളിവുഡ് സിനിമകളെ പിന്നിലാക്കി കുതിക്കുകയാണ് ബാഹുബലി.