ആഷിഖ് അബുവിന്റെ വൈറസിന് സ്റ്റേ!! കാരണം.. മോഷണ ആരോപണവുമായി സംവിധായകൻ രംഗത്ത്...

വൈറസ് തന്റെ കഥ

ചിത്രത്തിന്റെ പേരായ വൈറസും കഥയും തന്റേതാണെന്ന് ആരോപിച്ചായിരുന്നു ഉദയ് ആനന്ദൻ കോടതിയെ സമീപിച്ചത്. 2018 നവംബറിൽ വൈറസ് എന്ന പേരിൽ കഥ രജിസ്റ്റർ ചെയ്തിരുന്നെന്ന് സംവിധായകൻ കോടതിയിൽ വാദിച്ചു. അതിന്റെ പകർപ്പ് അവകാശ ലംഘനമാണ് ഇപ്പോൾ നടന്നിരിക്കുന്നതെന്നും ഇദ്ദേഹം പറഞ്ഞു.

സ്റ്റേ ചെയ്തു

‍ചിത്രം രജിസ്റ്റർ ചെയ്തതുമായി ബന്ധപ്പെട്ട രേഖകൾ ഇയാൾ കോടതിയിൽ ഹാജരാക്കിയിരുന്നു. കൂടാതെ ചിത്രത്തിന്റെ നിർമ്മാണം നിർത്തി വയ്ക്കണമെന്നും ഇയാൾ ആവശ്യപ്പെട്ടിരുന്നു. സിനിമയുടെ ചിത്രീകരണം കോഴിക്കോട് മെഡിക്കൽ കേളേജ് കേന്ദ്രീകരിച്ച് ആരംഭിച്ചിരുന്നു. അതേസമയം കേസ് ഈ മാസം( ഫെബ്രുവരി 16 ന്) വീണ്ടും പരിഗണിക്കും. സ്റ്റേയുമായി ബന്ധപ്പെട്ട് പ്രതികരണം അണിയറപ്രവർത്തകരുടെ ഭാഗത്ത് നിന്ന് ഇതുവരെയുണ്ടായിട്ടില്ല.

പശ്ചാത്തലം നിപ്പ

നിപ്പ വൈറസിന്റെ പശ്ചാതലത്തിലൊരുക്കുന്ന സിനിമയാണ് വൈറസ്. നിപ്പയ്‌ക്കെതിരെ കേരളം തീര്‍ത്ത പ്രതിരോധത്തിന്റെയും ചെറുത്ത് നില്‍പ്പിന്റെയും അതിജീവനത്തിന്റെയും നേര്‍കാഴ്ചയായിട്ടാണ് സിനിമ വരുന്നത്. ആഷിഖ് അബു സംവിധാനം ചെയ്യുന്ന സിനിമയുടെ പോസ്റ്റര്‍ ഇറങ്ങിയപ്പോള്‍ തന്നെ സോഷ്യല്‍ മീഡിയ വഴി സിനിമാപ്രേമികള്‍ ഏറ്റെടുത്തിരുന്നു. ഏപ്രിൽ പതിനൊന്നിനാണ് സിനിമയുടെ റിലീസ് തീരുമാനിച്ചിരിക്കുന്നത്.

വൻ താരനിര

മലയാളത്തിലെ പ്രമുഖ യുവതാരങ്ങളാണ് നിപ്പയിൽ അണിനിരക്കുന്നത്. കുഞ്ചാക്കോ ബോബൻ, ടൊവിനോ, ആസിഫ് അലി, റിമ, രേവതി, പാർവതി, പൂർണ്ണിമ , രമ്യ എന്നിവർ കേന്ദ്രകഥാപാത്രങ്ങളായി എത്തുന്നുണ്ട്. പ്രേക്ഷകർ ഏരകെ ആവശത്തോടെയാണ് ചിത്രത്തിനു വേണ്ടി കാത്തിരിക്കുന്നത്. എന്നാൽ ഇപ്പോൾ പ്രേക്ഷകരുടെ മനസ്സിൽ ആശങ്ക ഉടലെടുത്തിരിക്കുകയാണ്. വിഷു റിലിസായി ചിത്രം എത്തുമോ എന്നാണ പ്രേക്ഷകരുടെ ഭാഗത്ത് നിന്ന് ഉയരുന്ന ചോദ്യം.