twitter
    For Quick Alerts
    ALLOW NOTIFICATIONS  
    For Daily Alerts

    എബ്രിഡ് ഷൈനിന്റെ മൂന്നാമത്തെ ചിത്രം നിവിന്‍ ഉപേക്ഷിച്ചു, കാളിദാസ് വന്നത് എങ്ങിനെ?

    By Rohini
    |

    ഫോട്ടോഗ്രാഫി രംഗത്ത് നിന്നാണ് എബ്രിഡ് ഷൈന്‍ സിനിമാ സംവിധാന രംഗത്തേക്ക് കടക്കുന്നത്. നിവിന്‍ പോളിയെ നായകനാക്കി ഒരുക്കിയ 1983 എന്ന ചിത്രത്തിലൂടെ ഗംഭീര തുടക്കം കുറിച്ചു. അതിന് ശേഷം നിവിന്‍ പോളിയെ തന്നെ നായകനാക്കി ഒരുക്കിയ ആക്ഷന്‍ ഹീറോ ബിജുവിന് 1983 ഓളം ഉയരാന്‍ സാധിച്ചില്ല.

    എബ്രിഡ് ഷൈനിന്റെ അടുത്ത ചിത്രം നിവിന്‍ പോളിക്കൊപ്പമല്ല, കാളിദാസ് ജയറാമിനൊപ്പംഎബ്രിഡ് ഷൈനിന്റെ അടുത്ത ചിത്രം നിവിന്‍ പോളിക്കൊപ്പമല്ല, കാളിദാസ് ജയറാമിനൊപ്പം

    ഇപ്പോള്‍ മൂന്നാമത്തെ ചിത്രത്തിന്റെ പണിപ്പുരയിലാണ് എബ്രിഡ് ഷൈന്‍. മൂന്നാമത്തെ ചിത്രത്തില്‍ നായകനെ ഒന്ന് മാറ്റി പരീക്ഷിയ്ക്കുകയാണ്. നിവിന്‍ പോളിക്ക് പകരം കാളിദാസ് ചിത്രത്തില്‍ നായകനാകുന്നു. എന്നാല്‍ ഈ ചിത്രത്തിലെയും നായകനായി ആദ്യം പരിഗണിച്ചത് നിവിനെ തന്നെയായിരുന്നുവത്രെ. തുടര്‍ന്ന് വായിക്കാം

    നിവിനെ പരിഗണിച്ചു

    ആദ്യം പരിഗണിച്ചത് നിവിന്‍ പോളിയെ തന്നെ

    തന്റെ ആദ്യ രണ്ട് ചിത്രങ്ങളിലും നായകനായ നിവിന്‍ പോളിയെ തന്നെയായിരുന്നു എബ്രിഡ് ഷൈന്‍ മൂന്നാമത്തെ ചിത്രത്തിന് വേണ്ടിയും പരിഗണിച്ചത്. എന്നാല്‍ ചിത്രം നിവിന്‍ ഉപേക്ഷിക്കുകയായിരുന്നുവത്രെ.

    എന്തുകൊണ്ട്

    എന്താണ് നിവിന്‍ ഉപേക്ഷിക്കാന്‍ കാരണം

    തിരക്ക് കാരണമാണത്രെ നിവിന്‍ എബ്രിഡ് ഷൈനിന്റെ ചിത്രത്തില്‍ നിന്നും പിന്മാറിയത്. മലയാളത്തില്‍ സിദ്ധാര്‍ത്ഥ് ശിവ സംവിധാനം ചെയ്യുന്ന ചിത്രത്തിലും തമിഴില്‍ ഗൗതം രാമചന്ദ്രന്‍ സംവിധാനം ചെയ്യുന്ന ചിത്രത്തിലുമാണ് നിവിന്‍ ഇപ്പോള്‍ അഭിനയിച്ചുകൊണ്ടിരിയ്ക്കുന്നത്. ഇതിന് പുറമെ രണ്ട് ഭാഷകളിലും വേറെയും കുറേ അവസരങ്ങള്‍ വന്നു നില്‍ക്കുന്നു.

    കാളിദാസ് മലയാളത്തിലേക്ക്

    കാളിദാസില്‍ എത്തിയത്

    എന്തായാലും നിവിന്‍ പോളി പിന്മാറിയതോടെയാണ് എബ്രിഡ് ഷൈന്‍ ജയറാമിന്റെ മകന്‍ കാളിദാസിനെ സമീപിച്ചത്. തമിഴില്‍ രണ്ട് ചിത്രങ്ങള്‍ ചെയ്ത കാളിദാസ്, നായകനായി മലയാളത്തിലേക്ക് അരങ്ങേറുകയാണ് ഈ എബ്രിഡ് ചിത്രത്തിലൂടെ.

    പൂമരം

    എബ്രിഡ് ഷൈന്‍- കാളിദാസ് ചിത്രം

    കാളിദാസിനെ നായകനാക്കി എബ്രിഡ് ഷൈന്‍ സംവിധാനം ചെയ്യുന്ന ചിത്രത്തിന് പൂമരം എന്ന് പേരിട്ടു എന്നാണ് വിവരം. അടുത്ത ആഴ്ച ചിത്രീകരണം ആരംഭിയ്ക്കും. നായിക ഉള്‍പ്പടെ മറ്റ് കഥാപാത്രങ്ങളെ സംബന്ധിച്ച വിവരം പുറത്തുവിട്ടിട്ടില്ല.

    English summary
    After much acclaimed movies 1983 & Action Hero Biju, the director has announced his latest movies with Kalidas in the lead. Now it is known that the movie is titled ‘Poomaram’. There were reports that Nivin Pauly will be hero of this one too. But later it came to be known from close sources that he has rejected the script. Kalidas, son of veteran actor Jayaram has been now selected to don the lead role.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X