ആരാണ് അംബരീഷ്!! പ്രേക്ഷകർ കാണാത്ത അദ്ദേഹത്തിന്റെ മറ്റൊരു മുഖം, ഇങ്ങനെ...

കലാകുടുംബം

1952 മെയ് 29 ന് മണ്ഡ്യയിലെ മദ്ദൂർ ദൊഡ്‌ഡരസിനക്കെരെയിൽ ജനിച്ചു. കലാ കുടുംബത്തിലായിരുന്നു താരം ജനിച്ചത്. പ്രശസ്ത വയലിൻ വിദ്വാൻ ടി ചൗഡയ്യയുടെ പേരമകനാണിദ്ദേഹം. പിന്നീട് എൺപതുകളിൽ കന്നട സിനിമയിലെ സജീവ സാന്നിധ്യമാകുകയായിരുന്നു. 1991ൽ മലയാള തെന്നിന്ത്യൻ സിനിമ ലോകത്തെ പ്രിയപ്പെട്ട നായികയായിരുന്ന സുമതലയെ വിവാഹം കഴിക്കുകയായിരുന്നു. അഭിഷേക് ഗൗഡയാണ് മകൻ.

രഷ്ട്രീയത്തിൽ പ്രവേശന

സിനിമയിൽ കത്തി നിൽക്കുന്ന കാലഘട്ടത്തിൽ തന്നെയായിരുന്നു താരത്തിന്റെ രാഷ്ട്രീയ പ്രവേശനവും.1994 ൽ കോൺഗ്രസുമായി ചേർന്ന് രാഷ്ട്രീയ പ്രവർത്തനം ആരംഭിച്ചു. എന്നാൽ തിരഞ്ഞെടുപ്പിൽ അദ്ദേഹത്തിന് സീറ്റ് നിഷേധിക്കുകയായിരുന്നു. ഇതിനെ തുടർന്ന് 1996 ൽ കോണ്‍ഗ്രസ് ജനതാദളില്‍ ചേര്‍ന്നു. 1998-ലെ പൊതുതിരഞ്ഞെടുപ്പില്‍ കര്‍ണാടകയിലെ മാണ്ഡ്യയില്‍ മത്സരിച്ച അദ്ദേഹം രണ്ട് ലക്ഷത്തിനടുത്ത് വോട്ടുകളുടെ ഭൂരിപക്ഷത്തിനാണ് കോണ്‍ഗ്രസ് സ്ഥാനാര്‍ത്ഥിയെ തോല്‍പിച്ചത്. പിന്നീട് വീണ്ടും കോണ്‍ഗ്രസിൽ മടങ്ങിയെത്തുകയായിരുന്നു.

വാർത്ത വിനിമയ സഹമന്ത്രി

ലോക്സഭയിൽ ജനതാദൾ എംപിയായിട്ടാണ് അംബരീഷ് രാഷ്ട്രീയത്തിലെത്തുന്നത്. പിന്നീട് കോൺഗ്രസിൽ ചേർന്ന ഇദ്ദേഹം 2 തവണ കൂടി മണ്ഡ്യയിൽ നിന്ന് ലോകസഭയിൽ എത്തിയിരുന്നു. കൂടാതെ 2006 മൻമോഹൻസിങ് സർക്കാരിൽ വാർത്ത വിനിമയ സഹമന്ത്രിയായി പ്രവർത്തിച്ചിരുന്നു. കാവേരി ട്രിബ്യൂണലിന്‍റെ വിധിയില്‍ കര്‍ണാടകയോട് അനീതി കാണിച്ചെന്ന് ആരോപിച്ച് 2008 ൽ അദ്ദേഹം മന്ത്രിസ്ഥാനം രാജിവെയ്ക്കുകയായിരുന്നു. അംബരീഷിന്റെ രാജി അന്ന് വലിയ ചർച്ച വിഷയമായിരുന്നു.

കോൺഗ്രസ് സീറ്റ് നിഷേധിച്ചു

തുടക്കകാലം മുതൽ രാഷ്ട്രീയത്തിൽ കൃത്യമായ നിലപാട് സൂക്ഷിക്കുകയും അത് പിന്തുടരുന്ന വ്യക്തിയായിരുന്നു അംബരഷ്. ജനപിന്തുണയുടെ കാര്യത്തിൽ അദ്ദേഹം ഏറെ മുന്നിലുമയിരുന്നു. കർണ്ണാട കോൺഗ്രസിലെ ശക്തമായ നേതാവായിരുന്നു അംബരീഷ് . കർണാടകയെ സംബന്ധച്ച് ഏറെ നിർണ്ണായകമായ തിരഞ്ഞെടുപ്പായിരുന്നു കഴിഞ്ഞു പോയത്. ഈ തിരഞ്ഞെടുപ്പിൽ മൽസരിക്കാൻ കോൺഗ്രസ് ടിക്കറ്റ് നൽകിയിരുന്നെങ്കിലും വിവിധ വിഷയങ്ങളിൽ പ്രതിഷേധം ഉന്നയിച്ച് അദ്ദേഹം നിരസിക്കുകയായിരുന്നു.