നടൻ ദിലീപ് ജ‍ഡ്ജിയമ്മൻ കോവിലിൽ!! താരത്തിന്റെ ഫോട്ടോ എടുക്കാൻ ശ്രമിച്ചവർക്കെതിരെ ഭീഷണി

ജ‍ഡ്ജി അമ്മാവൻ കേവിൽ

ചെറുവള്ളി ദേവീക്ഷേത്രത്തിലെ ജഡ്ജി അമ്മാവൻ കോവിൽ സന്ദർശനത്തിനായി ദിലീപ് സഹോദരനോടൊപ്പം എത്തിയിരുന്നു. വെള്ളിയാഴ്ച രാത്രി എട്ട് മണിയോടെയാണ് സഹോദരൻ അനൂപിനോടൊപ്പം ദിലീപ് ഇവിടെ എത്തിയത്. കരിക്കഭിഷേകവും അട വഴിപാടും നടത്തിയതിനു ശേഷമാണ് ദിലീപ് അവിടെ നിന്ന് മടങ്ങിയതത്രേ. ഇതിനു മുൻപു ചെറുവള്ളി ദേവിക്ഷേത്രത്തിൽ താരം എത്തിയത് വാർത്ത പ്രധാന്യം നേടിയിരുന്നു.

ഫോട്ടോ എടുക്കാൻ ശ്രമിച്ചു

താരം ക്ഷേത്രദർശനത്തിലെത്തിയപ്പോൾ ഫോട്ടോ എടുക്കാനും മറ്റും ജനങ്ങൾ താരത്തിനടത്തു എത്തിയിരുന്നു. എന്നാൽ പ്രദേശവാസികളെ ഉൾപ്പെടെ ഫാൻസ് അസോസിയേഷൻ ഭാരവാഹികൾ എന്ന് അവകാശപ്പെടുന്ന ഒരു കൂട്ടം സ്വകാര്യ സുരക്ഷ ജീവനക്കാർ നടയുകയായിരുന്നത്രേ. ഇതിൽ നാട്ടുകാർ പ്രകോപിതരാകുകയും ചെയ്തു. എന്നാൽ ജിലീപ് ഫാൻസിന്റെ ഭാഗത്ത് നിന്ന് ഇത്തരത്തിലുള്ള ഒരു പ്രതികരണം ഉണ്ടാകില്ലെന്നാണ് പ്രതീക്ഷ.

ഫോട്ടോ ഡിലീറ്റ് ചെയ്തു

താരത്തിന്റെ ചിത്രം പകർത്തിയ കുട്ടികൾ ഉൾപ്പടെയുളളവരിൽ നിന്ന് ചിത്രങ്ങൾ ഡിലീറ്റ് ചെയ്തു. കൂടാതെ പ്രദേശിക ചാനൽ പ്രവർത്തകരെ ഫാൻസ് എന്ന് ആരോപിച്ചെത്തിയവർ നിർബന്ധിച്ച് ക്ഷേത്രവളപ്പിൽ നിന്ന് പുറത്താക്കുകയും ചെയ്തുവത്രേ. എന്നാൽ ഇതിനു പിന്നിൽ ആരാണെന്നുള്ള കൃത്യമായ വിവരം ഇതുവരെ ലഭിച്ചിട്ടില്ല ദിലീപ് ഫാൻസിന്റെ ഭാഗത്ത് നിന്ന് ഇത്തരത്തിലുള്ള ഒരു പെരുമാറ്റം ഇതുവരെയുണ്ടായിട്ടില്ല. അതിനാൽ തന്നെ ഈ സംഭവം അൽപം ഞെട്ടൽ ഉളവാക്കുന്നുണ്ട്.

ജനപ്രിയ നടൻ

പ്രേക്ഷകരുടെ പ്രിയപ്പെട്ട ജനപ്രിയനടനാണ് ദിലീപ് . മുതിർന്നവരെക്കാൾ കൂടുതൽ കുട്ടികളാണ് ദിലീപിന്റെ ഫാൻസി ലിസ്റ്റിൽ സിംഹ ഭാഗവു. സിനിമയിൽ നിന്ന് മാറി നിന്നിട്ടും മറ്റു യുവതാരങ്ങൾ സിനിമയിൽ കടന്നു വന്നട്ടും കുട്ടികളുടെ ആദ്യ ഓപ്ഷൻ ദിലീപ് തന്നെയാണ്. സിനിമയിൽ സജീവമായിരുന്ന കാലത്തും വിട്ട് നിന്നിരുന്ന സമയത്തും പ്രേക്ഷകരുടെ ഇടയിലെ ദിലീപിന്റെ സ്ഥാനത്തിന് ഒരു മാറ്റവും വന്നിട്ടില്ല. അതിനാൽ തന്നെ ഇപ്പോൾ പുറത്തു വന്നിരിക്കുന്ന വാർത്തയിൽ പ്രേക്ഷകരെ ഭീഷണിപ്പെടുത്തിയത് ദീലീപിന്റെ ഫാൻസ് തന്നേ ആണോ എന്നുള്ള കാര്യത്തിലെ സംശയം സോഷ്യൽ മീഡിയയിലും മറ്റും ഉയർന്നു കേൾക്കുന്നുണ്ട്.