'മക്കളേയും ഭാര്യയേയും ചേർത്ത് പിടിച്ച് ദിലീപ്', വനിതയുടെ കവർ പേജിൽ ആദ്യമായി കുടുംബസമേതം

ഇപ്പോൾ വിവാഹ ജീവിതം അഞ്ച് വർഷം പിന്നിടുമ്പോഴാണ് ദിലീപ് കുടുംബസമേതം വിശേഷങ്ങൾ പങ്കുവെച്ച് എത്തിയിരിക്കുന്നത്. ദിലീപ് കുടുംബത്തിന് പുറമെ എപ്പോഴും ആരാധകരുണ്ടാകാറുണ്ട്. താരകുടുംബം പൊതുവേദികളിൽ പ്രത്യക്ഷപ്പെടുമ്പോഴെല്ലാം ഫോട്ടോയും വീഡിയോകളും പകർത്താൻ ആരാധകർക്ക് തിരക്കാണ്. മീനാക്ഷിയുടേയും മഹാലക്ഷ്മിയുടേയും വിശേഷങ്ങൾ അറിയാനാണ് ആരാധകരിൽ ഏറെയും താൽപര്യപ്പെടുന്നത്. അതിനാൽ തന്നെ അച്ഛനേയും അമ്മയേയും പോലെ തന്നെ സിനിമയിലെത്തും മുമ്പ് തന്നെ സെലിബ്രിറ്റികളായി കഴിഞ്ഞു മീനാക്ഷിയും മഹാലക്ഷ്മിയും.

ദിലീപ് നീല നിറത്തിലുള്ള കുർത്തയാണ് ധരിച്ചിരിയ്ക്കുന്നത്. കാവ്യയും മീനാക്ഷിയും മഹാലക്ഷ്മിയും ഒരേ നിറത്തിലുള്ള വസ്ത്രവും ധരിച്ചിരിയ്ക്കുന്നു. കാവ്യയെ ചേർത്ത് പിടിച്ച് നിൽക്കുന്ന മീനാക്ഷിയും കൈ മുട്ടി ചിരിയ്ക്കുന്ന മഹാലക്ഷ്മിയും ഫോട്ടോയുടെ ആകർഷണമാണ്. വിവാഹത്തോടെ സിനിമയിൽ നിന്നും വിട്ടുനിൽക്കുകയാണ് കാവ്യാ മാധവൻ. എപ്പോഴും പൊതുപരിപാടികളിലും മറ്റും ദിലീപിനൊപ്പം കാവ്യ പ്രത്യക്ഷപ്പെടാറുണ്ട്. ദിലീപുമായുള്ള കാവ്യയുടെ വിവാഹം കഴിഞ്ഞ ശേഷം ചിലരെല്ലാം പറഞ്ഞത് ഇനി മുതൽ കാവ്യ വെളിച്ചം കാണില്ല എന്നാണ്. പക്ഷെ അത്തരത്തിലുള്ള ചിലരുടെ മുൻവിധികളെയെല്ലാം ദിലീപ് മാറ്റി മറിച്ചു. വീട്ടിൽ നടക്കുന്ന എല്ല ആഘോഷങ്ങളുടേയും ചിത്രങ്ങൾ ദിലീപോ മീനാക്ഷിയോ തങ്ങളുടെ സോഷ്യൽമീഡിയ പേജുവഴി പങ്കുവെക്കാറുണ്ട്. താരപുത്രിമാരിൽ ഏറ്റവും കൂടുതൽ ആരാധകരുള്ളതും ഒരുപക്ഷെ മീനാക്ഷിക്കായിരിക്കും.

ഇടയ്ക്കിടെ മനോഹരമായി നൃത്തം ചെയ്യുന്നതിന്റെ വീഡിയോകൾ അടക്കം മീനാക്ഷി ഇൻസ്റ്റ​ഗ്രാമിൽ പങ്കുവെച്ചിരുന്നു. മെഡിസിൻ വിദ്യാർഥിനിയായ മീനാക്ഷി എന്നാണ് അച്ഛനെപ്പെല അഭിനയം ആരംഭിക്കുന്നത് എന്നത് അറിയാൻ ആരാധകരും കാത്തിരിക്കുകയാണ്. മുമ്പ് ദിലിപീന്റെ കോമഡി സിനിമകളിലെ ചില രം​ഗങ്ങൾ ഡബ്സ്മാഷ് ചെയ്ത് മീനാക്ഷി പങ്കുവെച്ചത് വൈറലായിരുന്നു. അടുത്തിടെ സിനിമാ പ്രമോഷനുമായി ബന്ധപ്പെട്ട് അഭിമുഖങ്ങൾക്കെത്തിയപ്പോൾ ഏറ്റവും കൂടുതൽ ആളുകൾ ചോദിച്ചത് മീനാക്ഷിയെന്നാണ് സിനിമയിലേക്ക് എത്തുക എന്നാണ്. അവൾ ഇപ്പോൾ പഠിക്കുകയാണെന്നും സിനിമാപ്രവേശനം എന്നതിനെ കുറിച്ച് ഇപ്പോൾ ചിന്തിച്ചിട്ടില്ലെന്നുമാണ് അന്ന് ദിലീപ് പറഞ്ഞത്. താര കുടുബത്തിന്റെ ഏറ്റവും പുതിയ ചിത്രം വൈറലാണിപ്പോൾ.

Recommended Video

Nadirshah talks about Keshu Ee Veedinte Nathan

ദിലീപിന്റേതായി അവസാനമായി റിലീസിനെത്തിയ സിനിമ കേശു ഈ വീടിന്റെ നാഥനായിരുന്നു. ഹോട്ട്സ്റ്റാറിൽ സ്ട്രീം ചെയ്യുന്ന സിനിമ സമ്മിശ്ര പ്രതികരണമാണ് നേടുന്നത്. നാദിർഷയാണ് സിനിമ സംവിധാനം ചെയ്തിരിക്കുന്നത്. ഉറ്റ ച​ങ്ങാതിമാരായ നാദിർഷയും ദിലീപും ഒന്നിച്ച സിനിമ എന്നതിന്റെ പേരിൽ തുടക്കം മുതൽ കേശു ഈ വീടിന്റെ നാഥൻ എന്ന സിനിമ തുടക്കം മുതൽ വാർത്തകളിൽ നിറഞ്ഞതാണ്. കേശുവെന്ന അറുപതുകാരനായിട്ടാണ് ദിലീപ് അഭിനയിച്ചിരിക്കുന്നത്. ഉർവശിയായിരുന്നു ചിത്രത്തിൽ നായിക. കേശു ഈ വീടിന്റെ നാഥന്റെ പ്രത്യേക പ്രദർശനം സിനിമാ മേഖലയിലുള്ളവർക്ക് വേണ്ടി നടത്തിയപ്പോൾ കാവ്യ മാധവനും സിനിമ കാണാൻ എത്തിയിരുന്നു.