ആ പേര് പറയാൻ നൂറ് തവണ ആലോചിച്ചു!! മീ ടൂ വെളിപ്പെടുത്തലുമായി നടി ലക്ഷ്മി രാമകൃഷ്ണൻ

സഭ്യതയുടെ അതിർ വരുമ്പുകൾ തെറ്റിച്ചു

തമിഴ് സിനിമയിലെ പ്രമുഖ പിആർഒ നിഖിൽ മുരുകനെതിരെയാണ് ലക്ഷ്മി രംഗത്തെത്തിയിരിക്കുന്നത് . പ്രശ്നത്തെ വേണ്ടവിധം കൈകാര്യം ചെയ്തിട്ടുണ്ടെന്നും നടി പറയുന്നുണ്ട്. നിഖിൽ സഭ്യതയുടെ സീമ ലംഗിച്ചു. എന്നാൽ താൻ അത് നന്നായി കൈകാര്യം ചെയ്തുവെന്നും ലക്ഷ്മി കൂട്ടിച്ചേർത്തു. ഈ വിഷയം നടി നേരത്തേയും വെളിപ്പെടുത്തിയിരുന്നു. ആരുടേയും പേര് പറയാതെയായിരുന്നു ഇലരകുടെ വെളിപ്പെടുത്തൽ. എന്നാൽ ഇപ്പോൾ അത് പറയാനുള്ള സമയമാണെന്നു ലക്ഷ്മി കൂട്ടിച്ചേർത്തു

കരിയർ നശിപ്പിക്കും

പലപ്പോഴു സങ്കടം ചിരിയിൽ ഒതുക്കുമായിരുന്നു. നിഖിലിന്റെ പേര് പറയാൻ നൂറ് പ്രാവശ്യം ആലോചിച്ചിരുന്നു. എന്റെ കരിയർ വരെ നശിപ്പിക്കുമോ എന്ന താൻ ഭയന്നിരുന്നു. പക്ഷെ ഇതിന്റെ പേരിൽ എന്ത് പ്രശ്നം വന്നാലും ഞാൻ നേരിടാൻ തയ്യാറാണെന്നും ലക്ഷ്മി കൂട്ടിച്ചേർത്തു. എന്നെക്കാൾ 10 വയസ്സിനു മുതിർന്ന വ്യക്തിയാണ് നിഖിൽ. അയാളുടെ കാരുണ്യം തേടി സിനിമയിൽ പ്രവേശിക്കാൻ ആയിരക്കണക്കിന് സിനിമ മോഹിയായ പെൺകുട്ടികൾ കാത്ത് നിൽപ്പുണ്ട്. അവരുടെ അവസ്ഥ ഒന്ന് ആലോചിച്ചു നോക്കുവെന്നും ലക്ഷ്മി ആശങ്കപ്പെടുന്നുണ്ട്.

നിഖിൽ മാപ്പ് പറ‍ഞ്ഞു

ലക്ഷ്മിയുടെ മീടൂ വെളിപ്പെടുത്തലിന് പിന്നാലെ മാപ്പ പറഞ്ഞ് നിഖിൽ രംഗത്തെത്തിയിട്ടുണ്ട്. അറിയാതെ ലക്ഷ്മിയെ എപ്പോഴെങ്കിലും ലക്ഷ്മിയെ ബുദ്ധിമുട്ടിച്ചുവെങ്കിൽ താൻ ഈ അവസരത്തിൽ മാപ്പ് ചോദിക്കുകയാണെന്നും ഇയാൾ പറഞ്ഞു. കൂടാതെ ലിംഗഭേദമില്ലാതെ സിനിമയിൽ എത്തുന്ന പുതിയ തലുമറയ്ക്ക് തങ്ങളുടെ കഴിവിനൊത്തുള്ള അവസരങ്ങൾ ഒരുക്കി കൊടുക്കുമെന്നും നടിയുടെ മീടൂ വെളിപ്പെടുത്തലിന്റെ പശ്ചാത്തലത്തിൽ നിഖിൽ പ്രതികരിച്ചിട്ടുണ്ട്.

മീടുവെളിപ്പെടുത്തൽ

മീടുവെളിപ്പെടുത്തൽ ഇന്ത്യൻ സിനിമ ലോകത്ത് സജീവമാകുകയാണ്. തങ്ങൾ ഒട്ടും പ്രതീക്ഷിക്കാത്ത വ്യകതിത്വങ്ങളാണ് ഇരയും ആരോപണ വിധേയരുമാകുന്നത്. സ്ത്രീ സംരക്ഷണം മാസ് ഡയലോഗുകളിൽ മാത്രം ഒതുക്കി കയ്യടി നേടുന്ന പല താരങ്ങളും ജീവിതത്തിൽ അതിന് വിപരീത ദിശയിലേയ്ക്കാണ് സഞ്ചരിക്കുന്നത്. സ്ത്രീ സംരക്ഷണവും സുരക്ഷയുമൊക്കെ കേവലം സിനിമാഭിനയമായി മാറുന്ന ഒരു കാഴ്ചയിലേയ്ക്കാമന് കാര്യങ്ങൾ നീങ്ങി കൊണ്ടിരിക്കുന്നത്.