''ഞാനും കൂടി നിന്നോട്ടെ''!! ആദ്യമായി ക്യാമറക്ക് മുന്നിലെത്തിയ അനുഭവം തുറന്ന് പറഞ്ഞ് മമ്മൂട്ടി....

ഷൂട്ടിങ് കാണാൻ എത്തിയത്

വളരെ അവിചാരിതമായിട്ടായിരുന്നു തന്റെ സിനിമ പ്രവേശനം. അന്ന് ഷൂട്ടിങ് കാണാനായി പോയതാണ്. അഭിനയ മോഹം കൊണ്ട് കെഎസ് സേതുമാധവൻ സാറിനോട് ഞാനും കൂടെ നിന്നോട്ടെ എന്ന് ചോദിച്ചു. അദ്ദേഹം സമ്മതിക്കുകയും ചെയ്തു. ഇത് വളരെ അവിചാരിതമായി സംഭവിച്ചു പോയതാണ്. ഞാൻ അന്ന് പഠിച്ചു കൊണ്ടിരിക്കുകയായിരുന്നു. പത്തു വർഷത്തെ പഠനവും കോടതി പ്രാക്ടീസുമൊക്കെ കഴിഞ്ഞ് വീണ്ടും ഒരു പത്ത് വർഷം കഴിഞ്ഞാണ് സ്വപ്നങ്ങൾ വിൽക്കാനുണ്ടെന്നുള്ള ചിത്രത്തിൽ അഭിനയിക്കുന്നത്.

സിനിമ മോഹം

അണയാത്ത സിനിമ മോഹമാണ് മമ്മൂക്കയെ ഇന്നു കാണുന്ന സൂപ്പർ താരപദവിയിലേയ്ക്ക് എത്തിച്ചത്. അന്നും ഇന്നും ഒരുപോലെ തന്നെയാണ്. സിനിമയുടെ ട്രെന്ഡറിനൊത്ത് സ‍ഞ്ചരിക്കുന്ന താരമാണ് മമ്മൂക്ക. ഇന്നും പ്രേക്ഷകരും സിനിമ ലോകവും അതിശയോക്തിയോടെ ചോദിക്കുന്ന ഒരു ചോദ്യമാണ് താരത്തിന്റെ യുവത്വം. ഇന്നും ഗ്ലാമറിന്റെ കാര്യത്തിൽ യുവതാരങ്ങളെക്കാൽ മുൻപ്പന്തിയിൽ മമ്മൂക്ക തന്നെയാണ്. സ്റ്റൈൽ, ലുക്ക്, ഗെറ്റപ്പ് എന്നതിനൊക്കെ മലയാളത്തിൽ ഒറ്റ പേരെയുള്ളൂ അത് മമ്മൂട്ടി എന്ന തന്നെയാണ്.

അച്ഛൻ

കോളിവുഡ് സിനിമ ലോകം ഏറെ അത്ഭുതത്തോടെ കണ്ടു നിന്ന ചിത്രമായിരുന്നു പേരൻപ്. റാം സംവിധാനം ചെയ്ത 2019 ൽ പുറത്തിറങ്ങിയ ചിത്രത്തിന് തമിഴിൽ മാത്രമല്ല മലയാളത്തിലും മികച്ച പ്രേക്ഷക സ്വീകാര്യതയായിരുന്നു ലഭിച്ചിരുന്നത്. അമുദവൻ എന്ന കഥാപാത്രത്തെ പ്രേക്ഷകർ ഹൃദയത്തിലേറ്റുകയായിരുന്നു ഇതുവരെ കാണാത്ത ഒരു മമ്മൂക്കയെയായിരുന്നു ഈ ചിത്രത്തിൽ കാണാൻ സാധിച്ചത്, അച്ഛന്‌ വേഷത്തിൽ താരം പ്രത്യക്ഷപ്പെടാറുണ്ടെങ്കിലും പേരൻപിലെ അച്ഛൻ പ്രകടനം പ്രേക്ഷകരെ ഞെട്ടിപ്പിച്ചു.

വൻ വിജയവുമായി മമ്മൂക്ക

കേരളത്തിലെ തിയേറ്ററുകൾ ആഘോഷമാക്കിയ ഒരു സിനിമയായിരുന്നു മധുരരാജ. പ്രേക്ഷകർ ആകാംക്ഷയൊടെ കാത്തിരുന്ന ചിത്രമായിരുന്നു ഇത്. വിഷു റിലീസായി എത്തിയ ചിത്രം കേരളത്തിനകത്തും പുറത്തും മികച്ച പ്രേക്ഷക സ്വീകാര്യതയായിരുന്നു നേടിയിരുന്നത്. മമ്മൂട്ടി അവതരിപ്പിച്ച രാജ എന്ന കഥാപാത്രം ജനങ്ങൾ ആകാംക്ഷയോടെ കാത്തിരുന്നതായിരുന്നു.