For Quick Alerts
    ALLOW NOTIFICATIONS  
    For Daily Alerts

    ഷൈലോക്കിൽ താൻ വില്ലനെന്ന് മമ്മൂട്ടി

    |

    മലയാളത്തിലും തമിഴിലുമായി ഒരുങ്ങുന്ന ഷൈലോക്കിൽ താൻ വില്ലനാണെന്നും തമിഴ്താരം രാജ്കിരണും മീനയുമാണ് നായകനും നായികയുമെന്ന് മമ്മൂട്ടി. കൊച്ചിയിൽ നടന്ന ഷൈലോക്കിന്റെ ടൈറ്റിൽ ലോഞ്ചിലാണ് മെ​ഗാസ്റ്റാർ ഇക്കാര്യം വ്യക്തമാക്കിയത്. കഥാപാത്രത്തിന്റെ രൂപകല്പനയുടെ അടിസ്ഥാനത്തിലാണ് അദ്ദേ​ഹം ഇങ്ങനെ പറഞ്ഞത്. സാധാരണ തമിഴിൽ നിന്നും താരങ്ങളെ മലയാളസിനിമയിലേക്ക് കൊണ്ടുവരുന്നത് ഇടികൂടാനാണ്.

    എന്നാൽ രാജ്കിരണെ മലയാളത്തിൽ ആ​ദ്യമായി അവതരിപ്പിക്കുന്ന ഷൈലോക്കിൽ അദ്ദേഹത്തിന് വളരെ പോസിറ്റീവ് ആയ റോളാണ് നൽകിയിരിക്കുന്നതെന്നും മമ്മൂട്ടി സൂചിപ്പിച്ചു. 28 വർഷം മുമ്പ് എൻ രാസാവിൻ മനസ്സിലെ എന്ന സിനിമയിൽ നടി മീനയെ പരിചയപ്പെടുത്തിയത് രാജ്കിരൺ ആണ്. സിനിമാപ്രേമികൾ ഇന്നും മനസ്സിൽ സൂക്ഷിക്കുന്ന ആ പ്ര​ണയജോടികളാണവർ. 28 വർഷം മുമ്പ് പിരിഞ്ഞ ആ പ്രണയജോടികളെ ഷൈലോക്കിലൂടെ വീണ്ടും ഒരുമിപ്പിക്കുകയാണെന്ന് തമാശരൂപേണ മമ്മൂട്ടി പറഞ്ഞപ്പോൾ ചിരിച്ചും കൈയടിച്ചും സദസ്സ് ആസ്വദിച്ചു.

    mammootty

    ഷൈലോക്കിന്റെ ടൈറ്റിൽ ലോഞ്ച്/പൂജ ചടങ്ങിൽ സംസാരിക്കുന്ന മമ്മൂട്ടി

    കസബ, അബ്രഹാമിന്റെ സന്തതികൾ എന്നിവയ്ക്കു ശേഷം നിർമ്മാതാക്കളായ ​ഗുഡ് വിൽ എന്റർടൈൻമെന്റ്സിന്റെ മൂന്നാമത്തെ മമ്മൂട്ടി ചിത്രമാണ് ഷൈലോക്ക്. സംവിധായകൻ അജയ് വാസുദേവനും മമ്മൂട്ടിയോടൊപ്പമുള്ള മൂന്നാമൂഴമാണിത്. രാജാധിരാജ, മാസ്റ്റർപീസ് എന്നിവയാണ് മറ്റ് 2 മമ്മൂട്ടി ചിത്രങ്ങൾ.

    സത്യനും പ്രേംനസീറും മമ്മൂട്ടിയും മോഹൻലാലും പിറന്ന മലയാളസിനിമയിൽ അഭിനയിക്കാൻ കഴിഞ്ഞത് ഏറെ ഭാ​ഗ്യമായെന്നായിരുന്നു തമിഴ്താരം രാജ്കിരന്റെ പ്രതികരണം. അദ്ദേഹത്തിന്റെ ആദ്യ മലയാളസിനിമയാണ് ഷൈലോക്ക്. ശ്രദ്ധാപൂർവ്വം തെരഞ്ഞെടുത്ത വളരെ കുറച്ച് സിനിമകളിൽ മാത്രം അഭിനയിക്കുന്ന രാജ്കിരൺ ഷൈലോക്കിന്റെ കഥ കേട്ടയുടൻ സമ്മതംമൂളുകയായിരുന്നു.

    വിവാഹത്തിന് വീട്ടുകാര്‍ സമ്മതിച്ചില്ല! 6 വര്‍ഷത്തിന് ശേഷം രജിസ്റ്റര്‍ ചെയ്തുവെന്ന് ഇന്ദ്രജ!

    മമ്മൂട്ടിയും രാജ്കിരണും ചേരുമ്പോൾ അത് ഡെഡ്ലി കോമ്പിനേഷനായി മാറിയെന്ന് ചടങ്ങിൽ പങ്കെടുത്ത നടി മീന അഭിപ്രായപ്പെട്ടു. മമ്മൂട്ടിയോടൊപ്പമാണ് തന്റെ കരിയറിലെ ഏറ്റവും വലിയ ബ്രേക്കുകളെന്നായിരുന്നു സം​ഗീതസംവിധായകൻ ​ഗോപിസുന്ദറിന്റെ വെളിപ്പെടുത്തൽ. അതിലെ ഏറ്റവും വലിയ ബ്രേക്ക് ബി​ഗ്ബി ആണെന്നും ഷൈലോക്ക് അതിലും വലിയ ബ്രേക്ക് ആകട്ടെയെന്നും അദ്ദേഹം കൂട്ടിച്ചേർത്തു. ഷൈലോക്കിനെ മാസ് കാ ബാപ്പ് എന്നാണ് ​ഗോപിസുന്ദർ വിശേഷിപ്പിച്ചത്. സിനിമയ്ക്കായി ഹരംകൊള്ളിക്കുന്ന ഒരു മാസ്സ് സോം​ഗ് തയ്യാറാക്കിയെന്നും അ​ദ്ദേഹം പറഞ്ഞു.

    English summary
    Actor Mammooty reveals about role in Shylock
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X