പ്രമുഖനല്ലെന്ന കാരണത്താല്‍ ആരെയും ഒറ്റപ്പെടുത്തരുത് , പണ്ഡിറ്റ് റോക്കിങ്...

എല്ലാവിധ ആശംസകളും

അപാരമായ ക്ഷമമയും സഹനശക്തിയും കാണിക്കുന്ന ശ്രീജിത്തിനും അമ്മയ്ക്കും സമരം വിജയത്തിലെത്തിക്കാന്‍ സാധിക്കട്ടെയെന്ന് സന്തോഷ് ആശംസിച്ചു. കൂടാതെ ഈ സമരത്തിന് പിന്തുണ നല്‍കുന്ന ഫേസ് ബുക്ക് കൂട്ടായ്മകള്‍ക്കും സന്തോഷിന്റെ അഭിവാദ്യങ്ങളുണ്ട്.

ആരെയും ഒറ്റപ്പെടുത്തരുത്

പ്രമുഖനല്ലെന്ന ഒറ്റ കാരണത്താല്‍ ആരെയും ഒറ്റപ്പെടുത്തരുത്. നാട്ടില്‍ നീതിക്കുവേണ്ടി നടക്കുന്ന എല്ലാ സമരത്തിലും സാധാരണക്കാരുടെയും പാവപ്പെട്ടവരുടെയും കൂടെയുണ്ടാകുമെന്ന് പണ്ഡിറ്റ് തന്റെ പോസ്റ്റില്‍ ഉറപ്പ് നല്‍കുന്നു. ഇത്തരത്തില്‍ പോരാട്ടം നടത്തുന്നവര്‍ക്ക് തന്നാലാകുന്ന എല്ലാ സഹായങ്ങളും നടന്‍ ഓഫര്‍ ചെയ്യുന്നുണ്ട്.

വീട്ടിനുള്ളിലിരുന്ന് വിപ്ലവം നടത്താന്‍

സോഷ്യല്‍ മീഡിയയിലിരുന്ന് ആദര്‍ശപ്രവര്‍ത്തനം നടത്തുന്നവരെയും പണ്ഡിറ്റ് കണക്കിന് കളിയാക്കുന്നുണ്ട്. നമുക്ക് വേണ്ടത് സോഷ്യല്‍മീഡിയ വിപ്ലവങ്ങളല്ല. മറിച്ച് മണ്ണില്‍ ഉറച്ചകാല്‍ വെച്ചു നടത്തുന്ന ഇതുപോലെയുള്ള വിപ്ലവങ്ങലാണ്. ഇതെല്ലാം പറഞ്ഞിട്ട് പണ്ഡിറ്റ് പോസ്റ്റ് അവസാനിപ്പിക്കുന്നതും ഏറെ രസകരമായാണ്. ഞാന്‍ ഉരുക്കൊന്നുമല്ല മഹാ പാവമാ(ഉരുക്കു സതീശന്‍ എന്നാണ് സന്തോഷ് അഭിനയിക്കുന്ന പുതിയ പടത്തിന്റെ പേര്).

പണ്ഡിറ്റ് വളര്‍ന്നത് കഠിന പ്രയത്നത്തിലൂടെ

യുട്യൂബില്‍ വിരിഞ്ഞത് അവിടെ തന്നെ വാടുമെന്ന് കരുതിയവര്‍ക്ക് തെറ്റി..അതീവ കൗശലത്തോടെയാണ് പണ്ഡിറ്റ് തന്റെ കരിയര്‍ വാര്‍ത്തെടുത്തുകൊണ്ടിരിക്കുന്നത്.
മലയാളി ഹൗസ് എന്ന റിയാലിറ്റി ഷോയുടെ ഭാഗമാക്കുമ്പോള്‍ സംഘാടകര്‍ പോലും പ്രതീക്ഷിച്ചിരുന്നത് ഒരു കോമിക് റിലീഫാണ്. എന്നാല്‍ പങ്കെടുത്ത താരങ്ങളില്‍ ഏറ്റവും ശ്രദ്ധേയനായത് സന്തോഷായിരുന്നു. അതിനുശേഷം ചാനലുകാരുടെ പ്രിയപ്പെട്ടതാരമായി

സ്വപ്ന തുല്യമായ നേട്ടം

നെഗറ്റീവ് പബ്ലിസിറ്റിയോടെ കടന്നെത്തിയ ഈ താരം ഇപ്പോള്‍ മഹാനടന്‍ മമ്മുട്ടിക്കൊപ്പം മുഴുനീള കഥാപാത്രം ചെയ്യുന്ന ലെവലിലേക്ക് ഉയര്‍ന്നിരിക്കുന്നു. കിടുന്ന പണത്തില്‍ ഭൂരിഭാഗവും പാവപ്പെട്ടവര്‍ക്കു നല്‍കുന്ന സന്തോഷ് പണ്ഡിറ്റ് തന്നെയല്ലേ യഥാര്‍ത്ഥ സൂപ്പര്‍ ഹീറോ.