നടിക്ക് വേണ്ടി ഒന്നും ചെയ്തില്ല! എന്നാൽ അമ്മ ചെയ്തത്...ഡബ്ല്യുസിസിക്കെതിരെ നടൻ സിദ്ധിഖ്

ആക്രമിക്കപ്പെട്ട നടിയ്ക്ക് വേണ്ടി സിനിമയിലെ വനിത സംഘടനയായ ഡബ്ല്യൂസിസി ഒന്നും ചെയ്തിട്ടില്ല. സോഷ്യൽ മീഡിയയിലൂടെ തോന്നിയതൊക്കെ എഴുതി വിടുക മാത്രമാണ് അവർ ചെയ്തത്. അത് ജനം വിശ്വസിക്കുകയും ചെയ്തുവെന്നും സിദ്ദിഖ് പറഞ്ഞു. നടിയുടെ ഭാഗത്ത് നിന്ന് നിൽക്കുന്നു എന്ന് അവകാശപ്പെടുന്നവർ ചാനൽ ചർച്ചകളിൽ മാത്രമേ രംഗത്ത് വരുകയുള്ളൂ . സ്വന്തം പ്രശസ്തിയ്ക്ക് വേണ്ടി ചാനൽ ചർച്ചയിൽ ഇരുന്നു വിഡ്ഡിത്തം പറയുന്നു. കൂടാതെ അവർക്കൊരു ആശ്വാസമായിക്കൊള്ളട്ടെ എന്ന് കരുതി സംസാരിക്കുന്നതാണെന്ന് ചിലർ പറഞ്ഞിട്ടുണ്ടെന്നും താരം പറയുന്നു.

നടയ്ക്ക് ഉണ്ടായ ദുരനുഭവം അറിഞ്ഞയുടൻ തന്നെ അമ്മ സംഘടന ഭാരവാഹികൾ മുഖ്യമന്ത്രിയേയും ഡിജിപിയേയും കണ്ടു. മൂന്ന് ദിവസത്തിനുള്ളിൽ തന്നെ പ്രതി പൾസർ സുനിയെ ഫിടി കൂടിയെന്നും സിദ്ദിഖ് ടോക്ക് ഷോയിൽ പറഞ്ഞു. എന്നാൽ കേ,സിൽ 85 ദിവസം ജയലിൽ കിടന്ന നടനെതിരെ മാസങ്ങൾക്ക് ശേഷമാണ് ആരോപണം ഉന്നയിക്കുന്നത്. ആക്രമിക്കപ്പെട്ട നടി ആരോപണ വിധേയനായ നടന്റെ പേര് പറയുന്നത് നാലു മാസങ്ങൾക്ക് ശേഷമാണ്. ഇതിൽ ദുരൂഹതയുണ്ടെന്നും സിദ്ദിഖ് പറഞ്ഞു.

ആരോപണ വിധേയനായ നടൻ കുറ്റവാളിയാണെന്ന് കോടതി കണ്ടെത്തിയതിനു ശേഷം അദ്ദേഹത്തെ ആ നിലയിൽ കണ്ടാൽ മതി. നടിയ്ക്കുണ്ടായ സംഭവം അറിഞ്ഞയുടൻ തന്നെ അമ്മ ഭരവാഹി എന്ന നിലയിലും സഹപ്രവർത്തക എന്ന നിലയിലും മുഖ്യമന്ത്രിയെ കണ്ടിരുന്നു നടിക്കൊപ്പമാണ് എല്ലാവരും നിൽക്കുന്നത്. അവർക്കൊപ്പമല്ലെന്ന് പറയുന്നത് ജനങ്ങളുടെ തോന്നൽ മാത്രമാണെന്നും സിദ്ദിഖ് കൂട്ടിച്ചേർത്തു. ലഹരിമരുന്ന് മാഫിയയ്ക്കെതിരെ പേലീസുമായി ചേർന്ന് പോരാടൻ തയ്യാറാണെന്നും സിദ്ദിഖ് കൂട്ടിച്ചേർത്തു.

തുടക്കം മുതൽ തന്നെ ഡബ്ല്യൂസിസിയും താരസംഘടനയായ അമ്മയും തമ്മിൽ അഭിപ്രായഭിന്നതകൾ രൂക്ഷമായിരുന്നു. പല അവസരങ്ങളിലും തങ്ങളുടെ വിയോജിപ്പുക്കൾ താര സംഘടനകൾ പരസ്യമായി തന്നെ വ്യക്തമാക്കിയിരുന്നു. ഒരു ശീതയുദ്ധത്തിന് സമാനമായ അവസ്ഥയിലൂടെയായിരുന്നു സംഭവങ്ങൾ സഞ്ചരിച്ചത്. അമ്മയിൽ നിന്ന് നടിമാർ രാജിവെച്ചതും വലിയ വിവാദമായിരുന്നു. ആരോപണ വിധേയനായ നടനെ സംഘടനയിലേയ്ക്ക് തിരികെ എടുക്കുന്നു എന്നുളള അമ്മയുടെ നിലപാടിനെ തുടർന്നായിരുന്നു നടിമാരുടെ രാജി.