നൂറ് പശുക്കളും ഒരു മനുഷ്യനും'!! ഇതൊന്നും കാണുന്നില്ലല്ലോ അല്ലേ, കേന്ദ്രത്തെ ട്രോളി ടൊവിനോ

ഇരുപത്തിനാലായിരത്തിലധികം കോടിയുടെ നഷ്ടം

പ്രളയത്തിൽ കേരളത്തിന്റെ ഭൂരിഭാഗം ജില്ലകളും വെള്ളത്തിനടിയിലായിരുന്നു. ചോരനീരാക്കി പണിതുയർത്തിയ സർവ്വതും മഴവെള്ള പാച്ചിലിൽ പ്രകൃതി കൊണ്ടുപോയി. പ്രളയത്തിൽ ആളുകളുടെ ജീവൻ മാത്രമാണ് ഇപ്പോൾ തിരിച്ച് കിട്ടിയിരിക്കുന്നത്.. ഇനി ആദ്യം മുതൽ തുടങ്ങിയാൽ മാത്രമേ ജീവിതം പഴയ സ്ഥിതിയിൽ കൊണ്ടു വരാൻ സാധിക്കുകയുള്ളൂ.

ഇരുപത്തിനായിരത്തിലധികം കോടിയുടെ നഷ്ടം

20000കോടിയുടെ നഷ്ടമാണ് കേരളത്തിനുണ്ടായിരിക്കുന്നത്. ഇനിയും പഴയ സ്ഥിതിയിലേയ്ക്ക് കേരളം മടങ്ങി വരണമെങ്കിൽ ഇനിയും കോടി കണക്കിന് രൂപവേണം. ഇപ്പോൾ സഹായമായി ലഭിച്ച പൂപ തികയാത്ത ഒരു സാഹചര്യമാണ് ഇപ്പോൾ കേരളത്തിൽ ദൃശ്യമാകുന്നത്. ഭൂരിഭാഗം പേരുടേയും വീടും സാധമസാമഗ്രിഹികളും നഷ്ടപ്പെട്ടിട്ടുണ്ട്.

സാഹയവുമായി സിനിമ ലോകം

ഭാഷാഭേദമില്ലാതെ നല്ല സിനിമകളെ സ്നേഹിക്കുകയും പ്രോത്സാഹിപ്പിക്കുകയും ചെയ്യുന്നവരാണ് മലയാളികൾ. നല്ല സിനിമകളെ ഇരു കൈകളും നീട്ടി സ്വീകരിക്കാൻ കേരളീയർക്ക് ഒരു മടിയുമില്ല. അതുപോലെ തന്നെ താരങ്ങളേയും. മലയാളി താരങ്ങളെ പോലെ തന്നെ അന്യാഭാഷ താരങ്ങൾക്കും വേണ്ടവിധം ബഹുമാനം നൽകുന്നവരാണ് മലയാളികൾ. ഇത് ഇന്ത്യൻ സിനിമ ലോകത്ത് തന്നെ പരസ്യമായ രഹസ്യവുമാണ്. തങ്ങളുടെ ആരാധകർക്ക് ഒരു അപകടം വന്നപ്പോൾ സഹായിക്കാൻ ഈ താരങ്ങളും മടി കാണിച്ചില്ല. തങ്ങൾക്ക് നൽകാവുന്നതിലും അധികം സഹായം ഇവർ നൽകിയിരുന്നു.

കേന്ദ്രത്തിന്റെ സഹായം

പ്രളയത്തിൽ മുങ്ങി പോയ കേരളത്തിലെ ജനങ്ങളെ പൂർവ്വസ്ഥിതിയിൽ എത്തിക്കാൻ ഏകദേശം ഇരുപതിനായിരം കോടിയിലധികം രൂപ ആവശ്യമാണ്. എന്നാൽ കേന്ദ്രത്തിൽ നിന്ന് ലഭിച്ചത് 600 കോടി രൂപമാത്രമാണ്. ആദ്യം 100 കോടിയും പിന്നെ 500 കോടിയുമാണ് കേന്ദ്രം പ്രഖ്യാപിച്ചിട്ടുള്ളത്. ഇതിൽ എല്ലാവർക്കും വളരെ അമർഷമുണ്ട്.

കേന്ദ്രത്തിനെ ട്രോളി ടൊവിനോ

പ്രളയത്തിൽ അകപ്പെട്ട കേരളത്തിലെ ജനങ്ങൾക്ക് വേണ്ടവിധം കേന്ദ്രം സഹായിച്ചില്ലെന്നുള്ള പരാതി എല്ലാവർക്കുമുണ്ട്. ചിലർ ഇത് പരസ്യമായി പറയുകയും ചെയ്തിരുന്നു. ഇപ്പോൾ കേന്ദ്രത്തിന്റെ ധനസഹായത്തിനെ പരോക്ഷമായി ട്രോളി നടൻ ടൊവിനോ രംഗത്തെത്തിയിട്ടുണ്ട്. ദുരിതാശ്വാസത്തിനും രക്ഷാ പ്രവര്‍ത്തനത്തിനും ടൊവിനോ മുന്നിൽ തന്നെയുണ്ടായിരുന്നു.

നൂറ് പശുക്കളും ഒരു മനുഷ്യനും

ഇൻസ്റ്റഗ്രാമിലൂടെയായിരുന്നു ടൊവിനോ കേന്ദ്രത്തെ ട്രോളുന്ന തരത്തിലുളള പോസ്റ്റുമായി എത്തിയിരിക്കുന്നത്.നൂറ് പശുക്കള്‍ പ്രളയത്തില്‍ പെട്ടു, ഒപ്പം ഒരു ലക്ഷം മനുഷ്യരും, കേന്ദ്രസഹായ വേണമെന്നാണ് ഇന്‍സ്റ്റഗ്രാമിലൂടെ ടൊവിനോ ആവശ്യപ്പെട്ടത്. അഞ്ഞൂറ് കോടി മതിയാകില്ല, ദേശീയ ദുരന്തമായി പ്രഖ്യാപിക്കണം തുടങ്ങിയ ഹാഷ്ടാഗുകളും താരം പങ്കുവച്ചിട്ടുണ്ട്.